
Partiya Çepên Kesk li Semsûrê çû serdana goristanan 

2023-04-20 13:57:52


	&nbsp;

	SEMSÛR - Rêxistina Partiya Çepên Kesk a Semsûrê bi boneya roja erefeyê çû serdana gorên kesên di têkoşîna azadî û demokrasiyê de jiyana xwe ji dest dane û qurbaniyên erdhejê.&nbsp;

	&nbsp;

	Rêxistina Partiya Çepên Kesk a Semsûrê tevî namzetên parlamenteriyê yên bajêr, bi boneya erefeya Cejna Remezanê çû serdana goristanên Karapinar û Ziyartegeha Zeynel Abîdîn. Di serdanê de gorên kesên di têkoşîna azadî û demokrasiyê de jiyana xwe ji dest dayîn û qurbaniyên erdhejê hatin ziyaretkirin.&nbsp;

	&nbsp;

	Şande ji ewil çû serdana gorên 28 endamên PKK’ê yên li Goristana Karapinarê ku di 7'ê gulana 1993'yan de li Çiyayê Bezarê yê Çêlikan a Semsûrê di encama bikaranîna çekên kîmyewî de jiyana xwe ji dest dabûn. Beşdaran, ji ewil deqeyek rêz girt û piştre jî qurnefîl danîn ser goran. Ji namzetên parlamenteriyê yê Partiya Çepên Kesk Alî Kenanoglû diyar kir ku wan ji bo jiyaneke nû ya azad û wekhev berdel dane û dê wan tu carî ji bîr nekin.&nbsp;

	&nbsp;

	Piştre jî beşdar çûn serdana gorên qurbaniyên erdhejê, ji malbatên qurbaniyan re sersaxî xwestin û dua kirin.

	&nbsp;

	Endam, rêveber û namzetên Partiya Çepên Kesk piştre jî çûn serdana Ziyaretgeha Zeynel Abîdîn a li Taxa Turmuzê. Di serdanê de gorên kesên di têkoşîna azadî û demokrasiyê de jiyana xwe ji dest dayîn û qurbaniyên erdhejê hatin ziyaretkirin. Her wiha şandeyê ji malbatên qurbaniyan re sersaxî xwestin û dua kirin.&nbsp;

	&nbsp;