
Rojnamevan Gok, Orûç, Canozer û Akkaya hatin girtin

2023-04-27 15:07:36


	NAVENDA NÛÇEYAN -&nbsp;Rojnamevan Abdurrahman Gok, Mehmetşah Orûç, Bêrîtan Canozer û Remzî Akkaya ku di çarçoveya operasyona binçavkirinê ya navenda wê Amed bû de hatibûn binçavkirin, bi îdiaya “gumana sûcê biqewet” hatin girtin.

	Di çarçoveya lêpirsîna Serdozgeriya Komarê ya Amedê û li ser biryara 3’yemîn Dadgeriya Cezayên Sulhê ya Amedê, di nav de rojnameger, siyasetmedar, parêzer, hunermend û sendîkavan jî ji bo 216 kesan biryara binçavkirinê hate dayîn. Di encama serdegirtinên malan de 128 kes hatibûn binçavkirin. Edîtorê Ajansa Mezopotamya Abdurrahman Gok û nûçegihanê Ajansa Mezopotamya Mehmetşah Oruç û nûçegihana JINNEWS'ê Bêrîtan Canozer, rojnamevan Remzî Akkaya ku di çarçoveya operasyonê de hatibûn binçavkirin, piştî îfadeya wan a li dozgeriyê bi daxwaza girtinê sewqî Dadgeriya Cezayên Sulhê hatin kirin. Dadgehê derbarê rojnamevan Gok, Orûç, Canozer û Akkaya de biryara girtinê da. Her çar rojnamevan jî bi îdiaya “gumana sûcê biqewet” hatin girtin.

	&nbsp;

	‘10 SAL IN EZ ROJNAMEVANIYÊ DIKIM’

	&nbsp;

	Canozer di îfadeya xwe de da zanîn ku 10 sal in ew rojnamevaniyê dike û ew ne li cihek veşarî ew li JINNEWS’ê dixebite. Canozer bi bîr xist ku ew berê jî ji heman sûcdariyan hatiye girtin û darizandin û xwest were berdan.&nbsp;

	&nbsp;

	BEYANÊN ŞAHID NABE ‘ENDAMTIYA RÊXISTINÊ’&nbsp;

	&nbsp;

	Parêzera Canozer, Gulan Çagan Kalelî jî parastina miwekîla xwe kir û destnîşan kir ku nayê wê maneyê ku îfadeyên şahide li ser rojnamevanan daye bibe “endamtiya rêxistinê” û tawanbariyên tên kirin nayê qebûlkirin.&nbsp;

	&nbsp;

	Dadgeriyê diyar kir ku di çarçoveya îfadeyên sîxur û îtarafkar Umît Akbiyik de gumana sûcê biqewet derbarê rojnamevanan de heye û şertê kontrola edlî dê têr neke û derbarê her 4 rojnamevanan de biryara girtinê da.&nbsp;

	&nbsp;

	
		GOK: FAŞÎZM WÊ TÊK BIÇE&nbsp;
	
		&nbsp;
	
		Rojnamevan Abdurrahman Gok piştî ku hat girtin bertek nîşan da û wiha got: "Faşîzm wê têk biçe, xem nekin. Pergala faşîst wê têk biçe. Bimire faşîzm. Bijî Çapemeniya Azad."&nbsp;


	&nbsp;