
Bi deh hezaran kes dimeşin Maltepeyê: AKP wê têk biçe, kedkar wê bi ser bikevin  

2023-05-01 13:32:31


	&nbsp;

	STENBOL - Bi deh hezaran kes bi kortejên sendîka, partiyên siyasî, komele û saziyan meşiyan Qada Maletepeyê û dirûşma “Wê AKP biçe, kedkar wê bi ser bikevin” berz kirin.&nbsp;

	&nbsp;

	Li Stenbolê bi pêşengiya Konfedarasyona Sendîkayên Karkerên Şoreşger (DÎSK), Konfedarasyona Sendîkayên Kedkarên Cemaweriyê (KESK), Yekitiya Odeyên Endezyar û Mîmarên Tirk (TMMOB), Yekitiya Hekîmên Diranan (TDB) û Yekitiya Tabîbên Tirk (TTB) mitînga 1’ê Gulanê tê lidarxistin. Beriya mitîngê bi hezaran kes meşiyan qadê.&nbsp;

	&nbsp;

	KED A ME YE, SIBEROJ A ME YE&nbsp;

	&nbsp;

	Pîrozbahiya 1’ê Gulana îsal bi dirûşmeya “Ked a me ye, siberoj a me ye” tê lidarxistin. Bi hezaran karker, kedkar, nûnerên sendîka, komele, sazî û partiyên siyasî li Rawestegeha Îdealtepe ya Marmarayê kom bûn. Li aliyekî govend hat gerandin li aliyekî dengê dirûşmeyên “Bijî berxwedana zindanan” û “Zext nikarin me bitepisînin” olan dan. Bi deh hezaran karker û kedkar bi awayê kortejan meşiyan Qada Maltepeyê. Dayikên Aştiyê jî bi laçikên xwe yên spî û cilên xwe yên netewî tev li meşê û mitîngê bûn.&nbsp;

	&nbsp;

	Rojeva pankartên îsal hatin vekirin hilbijartinên 14’ê Gulanê ye. Saziyên amadekar pankarta mezin a “Ked a me ye, siberoj a me ye” vekirin. Karker û kedkar bênavber dirûşma “AKP wê biçe, kedkar wê bi ser bikevin” berz dikin.&nbsp;

	&nbsp;

	TIFAQA KED ÛAZADIYÊ: DÎSA EM&nbsp;

	&nbsp;

	Pêkhateyên Tifaqa Ked û Azadiyê bi pankarta “Dîsa em” vekirin û di meşê de cih girtin. Kongreya Demokratîk a Gelan jî bi pankarta “Li dijî faşîzm û kedwariyê serî hilde” meşiya qada mitîngê. Her wiha Meclisa Ciwanan a Partiya Çepên Kesk jî pankartên, “Em ji malên kerpîç tên ku qesrên we hilweşînin”, “Israra di sosyalîzmê de israrbûna di mirovahiyê de ye” û “Li hemberî faşîzmê serî hildin dayika kurd” vekirin.&nbsp;

	&nbsp;

	

	&nbsp;

	Her wiha karker û kedakaran bi sedan pankart û dovîzên li dijî polîtîkayên şer ên AKP-MHP’ê vekirin û hildan.&nbsp;

	&nbsp;

	DAYIKÊN AŞTIYÊ&nbsp;

	&nbsp;

	Dayikên Aştiyê, Hevseroka Giştî ya HDP’ê Pervîn Bûldan, rêveberên HDP’ê û Partiya Çepên Kesk jî di meşê de cih girtin.&nbsp;

	&nbsp;

	PEYAMA OHD’Ê&nbsp;

	&nbsp;

	Komeleya Hiqûqnasên ji bo Azadiyê jî bi pankartên “Hevalên me yên girtî berdin” û “Parastin û OHD nayê bêdengkirin” vekir û bertek nîşanî operasyona qirkirina siyasî ya 25’ê Nîsanê ya li Amedê da.&nbsp;

	&nbsp;

	WÊNEYÊN KESÊN HATIN QETILKIRIN&nbsp;

	&nbsp;

	Xwendekaran jî wêneyên Denîz Poyraz, Kemal Kûrkût û Tahîr Elçî hildan û meşiyan qadê.&nbsp;

	&nbsp;

	Welatiyê bi navê Erol Temûrçî ku pîvazan bi stûyê xew ve danîbû xwest cihê qada kombûnê bibe, lê polîsan welatî bernedan qadê.&nbsp;

	&nbsp;

	

	&nbsp;

	Beriya meş dest pê bike 10 xwînerên Partîzan bi hinceta ku flamayên Îbrahîm Kaypakkaya hildan hatin binçavkirin.&nbsp;

	&nbsp;