
Li Semsûr û Meletiyê coşa Partiya Çepên Kesk 

2023-05-02 18:00:32


	SEMSÛR/MELETÎ - Partiya Çepên Kesk li Semsûr û Meletiyê di çarçoveya xebatên hilbijartinê de bênavber dixebite. Partî rastî eleqeyeke mezin tê. &nbsp;

	&nbsp;

	Partiya Çepên Kesk li Kurdistan û Tirkiyeyê xebatên xwe yên hilbijartinên 14'ê Gulanê didomîne. Di çarçoveya xebatan de Partiya Çepên Kesk li Semsûr û Meletiyê bi namzetên xwe yên parlamenteriyê yên bajêr li gund û navçeyan serdana dikandaran û welatiyan kir.&nbsp;

	&nbsp;

	Partiya Çepên Kesk li Semsûrê bi namzetên xwe yên parlamenteriyê yên bajêr Ali Kenanoglû, &nbsp;Îzzet Karadag, Yuksel Yucedag, Bulent Çinar û Meryem Ceritlî li navçeya Bêhiştiyê serdana dikandaran kir û guh li pirsgirêkên welatiyan kir. Şande li navçeyê ji aliyê gel û esnafan ve bi çoş û çepikan hat pêşwazîkirin.&nbsp;

	&nbsp;

	Şande li navçeyê belavok belavkirin û guh li gel kir. Şêniyên Bêhiştiyê ku bandor ji erdhejê girtine, gotin ku divê hesabê erdhejê ji desthilatê bê pirsîn.&nbsp;

	&nbsp;

	Her wiha namzetê parlamenteriyê Alî Kenanoglû li ber avahiya şaredariyê ku ji erdhêjê bandor girtibû axivî. Kenanoglû bi lêv kir ku saziyên dewletê jî ji erdhejê bandor girtine û got ku berpirsê kontrolkirina avahiyên dewletê desthilat e û dewlet ji di erdhejê de di bin kavilan de maye.&nbsp;

	&nbsp;

	MELETÎ

	&nbsp;

	Namzetên parlamenteriyê ên Partiya Çepên Kesk li Meletiyê jî serdana navçeya Arende, Yazihan, Batalgazî û Çirmikê kirin.&nbsp;

	&nbsp;

	Namzeta parlamenteriyê Perîhan Yucekaya li navçeya Arende û gundên wê serdana dikandaran û welatiyan kir û guh li pirsgirêk û daxwazên welatiyan kir. Şande li navçe û gundan belavok belavkirin û bi gel re hevdîtin pêk anîn. Her wiha li gundan zarokan alayên Partiya Çepên Kesk li ba kirin û dîmênên rengîn derketin holê.&nbsp;

	&nbsp;

	Namzeta Parlamenteriyê Perîhan Yucekaya jî got ku heke ew biçe meclisê wê ji bo çareserkirina pirsgirêkên wan bixebite.&nbsp;

	&nbsp;

	Li navçeya Yazihanê jî şande bi endam û rêveberên partiyê ve serdana dikandaran û welatiyan kir û belavok belav kirin. Şandeya ku ji namzetên parlamenteriyê Tulay Şakar û Yusuf Bozkûş pêkhatî serdana dikandar û welatiyên navçeya Batalgaziyê kir û li wir jî guh li welatiyan hat kirin. Welatiyan bal kişand ser erdhejê û îşaret bi kêmasiyên dewletê kirin. Her wiha şande li navçeyê belavok belavkirin û ji aliyê gel vê jî bi kêfxweşî hat pêşwazîkirin.&nbsp;

	&nbsp;

	Namzetên Parlamenteriyê Gaffar Bayram û Rozerin Ercan jî li navçeya Çirmikê serdana dikandaran û welatiyan kirin û guh li pirsgirêkên welatiyan kirin. Namzetan li navçeyê belavok belav kirin.&nbsp;

	&nbsp;