
Ji daxuyaniya girtiyên nexweş re astengiya ‘hilbijartinê’

2023-05-06 16:34:22


	ENQERE - Daxuyaniya Înîsiyatîfa Ji Girtiyên Nexweş re Azadî ya têkildarî girtiyên nexweş bi hinceta “Ji hilbijartinê re 8 roj man” hate astengkirin.&nbsp;

	&nbsp;

	Înîsiyatîfa Ji Girtiyên Nexweş re Azadî, di hefteya xwe ya 452’yemîn a çalakiya xwe ya têkildarî berdana girtiyên nexweş de li ber avahiya Şaxa Komeleya Mafên Mirovan (ÎHD) a Enqereyê hatin bahev. Polîsan bi hinceta “Ji hilbijartinan re 8 roj man, hemû çalakî û aktîvîteyên ji bilî hilbijartinê hatine qedexekirin” daxuyanî asteng kir. Polîsên ku ber deriyê avahiyê dorpêçkirin nehişt girse derkeve ber derî. Polîsan xwest ku daxuyanî di hundirê avahiyê de bê dayîn û gefa binçavkirinê li girseyê xwar.&nbsp;

	&nbsp;

	Hevberdevka Komîsyona Girtîgehan a ÎHD’ê Nûray Çevîrmen a bertek nîşanî biryarê da wiha got: “Hûn sûc dikin. Hinceta we ya ku çalakiya me ya 452 hefteye em li dar dixin nîne.”

	&nbsp;

	Înîsiyatîfa Ji Girtiyên Nexweş re Azadî ku piştî bendemayîna biisrar ji ber avahiyê neçû, ji bo Mûhlîse Karaguzel a rewşa tenduristiya wê her ku diçe xerab dibe û şûna bê berdan sewqî Girtîgeha Tîpa R a Menemenê bê kirin çalakî li dar xist. Daxuyanî Hevberdevka Komîsyona Girtîgehan a Navendî ya ÎHD’ê Nûray Çevîrmen xwend.&nbsp;

	&nbsp;

	‘DIVÊ MÛHLÎSE DEMILDEST BÊ BERDAN’ &nbsp;

	&nbsp;

	Çevîrmen, a bal kişand ser nexweşiyên Karaguzel, diyar kir ku divê Karaguzel bê dermankirin û kontrolkirin û wiha got: “Şûna ku were berdan beriya du rojan di 4’ê gulanê saet 08.00’an de ji Girtîgeha Jinan a Qeyseriyê sewqî Girtîgeha Tîpa R a Menemenê hatiye kirin. Divê Mûhlîse Karaguzel demildest bê berdan û li cem malbata xwe di şertên bi tendurist tedawiya bê kirin.”

	&nbsp;