
Qeyûm ji bo ‘Mîhrîcana Sûrê’ ya wezaretê 7 milyon û 59 hezar lîra xerc kir  

2023-05-08 09:01:44


	&nbsp;

	AMED - Şaredariya Bajarê Mezin a Amedê ku di bin rêveberiya qeyûm de ye, ji bo “Mîhrîcana Rêya Sûrê” ya Wezareta Çandê bi giştî 7 milyon û 59 hezar lîre xerc kir ku ji wan 5 milyon û 540 hezar lîre ji bo “karê duçerxê” hatiye xerckirin.&nbsp;

	&nbsp;

	Wezareta Çand û Turîzmê ya Tirkiyeyê di sala 2022’yan di çarçovaya “Mîhrîcanên Rêya Çandê ya Tirkiyeyê” de li 5 bajaran mîhrîcan li dar xist. Wezaretê di navbera 16-25’ê Îlonê de li Çanakkaleyê, di navbera 22-30’ê îlonê de li Konyayê, di navbera 8-16’ê cotmehê de li Sûr a Amedê, di navbera 1-23’yê cotmehê de jî li Enqere û Beyoglû ya Stenbolê mîhrîcan li dar xist. Di mîhrîcanan de bi sedan çalakî hatin lidarxistin. Wezaretê bi şaredariyên AKP’î re şirîkatî nekir û tevahiya çalakiyên di bernameyan de bi kes û derdorên nêzî AKP-MHP’ê re li dar xist.&nbsp;

	&nbsp;

	Yek ji mîhrîcana herî zêde bûye rojev jî “Mîhrîcana Rêya Çandê ya Sûrê” bû. Di navbera salên 2015-2016’an de li Sûrê qedexeya derketina kolanan hatibû ragihandin û 6 taxên wê hatibûn wêrankirin û hilweşandin. Li şûna wan malan jî malên ku mîmariya wan dişibe ya girtîgehê hatibûn avakirin. Bijartina yek ji deverên bo mîhrîcanê, rastî bertekên tund ên gelek derdoran hat. Partiyên siyasî û rêxistinên civaka sivîl ên bajar, bertek nîşanî mîhrîcanê dan û weke “Qirkirina çandî” nirxandin.&nbsp;

	&nbsp;

	JI BO MÎHRÎCANA WEZARETÊ BÛDÇE HATE VEQETANDIN

	&nbsp;

	Li gel van, her wiha yek ji mijarên herî zêde hatiye rexnekirin jî bûdçeya ji bo mîhrîcanan hatiye veqetandin bû. Ji bo mîhrîcana li Sûrê, tevahiya AKP’î û bûrokrat hatin seferberkirin. Ji her navçeyê bi hezaran kes ji bo konser û çalakiyên rojane veguhestin Sûrê. Her wiha hat ragihandin ku 2 hezar hunermend tev li bûne û bi sedan çalakî hatine lidarxistin. Tê payîn ku lêçûnên mîhrîcanê ji hêla bûdçeya wezaretê ve hatiye pêşwazîkirin. Derket holê ku hinek lêçûn jî ji hêla Şaredariya Bajarên Mezin a Amedê ve hatine pêşwazîkirin ku di bin rêveberiya qeyûm de ye.&nbsp;

	&nbsp;

	Hat hînbûn ku ji bo mîhrîcanên li Çanakkale, Konya, Enqere û Stenbolê yek qirûş jî ji qaseyên şaredariyan nehatine xerckirin. Lê derket holê ku şaredariya di bin rêveberiya qeyûm de ji bo lêçûnan 3 îhale kirine û bi giştî 7 milyon û 59 hezar TL ji bo mîhrîcanê xerc kiriye. &nbsp;

	&nbsp;

	KARÊ WERGIRTINA XIZMETÊ&nbsp;

	&nbsp;

	Rêveberiya qeyûm, ji bo “Karê Wergirtina Karê Xizmetê ya Organîzasyona Çalakiyan a Mezopotamyayê ya Mîhrîcana Rêya Çandê ya Sûrê” di 10’ê cotmehê de bi rêbaza bazariyê îhaleya bi bihayê milyonek û 557 hezar û 333,33 hezar lîre kir. Kitekitên îhaleyê nehatin parvekirin û bi milyonek û 519 hezar û 400,00 TL'ê dan Kargeha Lîmîted a Organîzasyona HSB’ê ya Oto Aksesuar Înşaet, Ceyran, Pîşesazî û Bazirganiyê.&nbsp;

	&nbsp;

	JI BO DUÇERXAN MILYON LÎRE XERC KIRIN

	&nbsp;

	Ji bo “Karê Wergirtina Xizmeta Organîzasyonên Mîhrîcana Duçerxê” jî di 4’ê cotmehê de îhale hate kirin. Lêçûnên ji bo îhaleyê weke 3 milyon û 52 hezar TL hate diyarkirin. Îhale bi rêbaza bazariyê hate kirin û bi milyonek û 889 hezar TL’an dan Kargeha Lîmîted a Turîzm Tekstîl Xurek Paqijî Kozmetîk Îthalat Îxrackirin Pîşesaziyê ya Bırkleynê.&nbsp;

	&nbsp;

	Di 3’yê cotmehê de jî îhaleya “Karê Wergirtina Xizmeta Belavkirina Amûran a li Xwendekaran” hate kirin. Lêçûnên wê nêzî 4 milyon û 896 hezar û 250 TL hate diyarkirin. Ev îhaleye jî bi 3 milyon û 651 hezar û 500 TL’an dan fîrmaya Enqereyê ya Karegeha Lîmîtedê ya Bîsîklet Motosîklet a Deltayê.&nbsp;

	&nbsp;

	ÎHALEYÊN ‘LEZ’

	&nbsp;

	Balkêşe ku her 3 îhaleyên behsa xeberê jî li gorî fikraya B a xala 21’emîn a mewzûatê (Di rewşên weke karesat, şewb, talûkeya windahiyên can û mal ên di kêliyê de rû didin, ji bo parastina can û mal divê bi ecele werin dayîn.) hatin dayîn.&nbsp;

	&nbsp;

	MA / Azad Altay

	&nbsp;