Li Golanê civîna gel a bicoş: Piştî 6 rojên din ev serdema tarî bi dawî dibe 2023-05-08 14:32:05   ERDEXAN - Parlamenterê HDP’ê Garo Paylan ê di civîna gel a bicoş a li navçeya Golanê de axivî, wiha got: “Piştî 6 rojên din ev serdema tarî bi dawî dibe.”   Partiya Çepên Kesk li navçeya Golan/Mêrdinik a Erdexanê civîna gel li dar xist. Gelek kes bi alên partiyê beşdarî civînê bûn. Parlamenterê HDP’ê Garo Paylan polîtîkayên desthilatê rexne kir û wiha got: “Bila ji wan re bibe ders; me li hemberî wan çok nedanî em nadeynin. Erdogan hêj jî tirsê belav dike. Hêj jî difikire ku dê hilbijartinê qezenc bike. Haya wî jê nîne ku ev gel birçî û xizan hiştî ye. Piştî 6 rojên din ev serdema tarî bi dawî dibe. Hêj jî difirikin ku bi belavkirina pereyan û tirsê dê serbikevin. Cesaret vegir e, em ê cesaretê li hev belav bikin. Ji bo ku em wekîlekî ji vir derxînin divê em 10 hezar dengan derxînin. Ji bo vê em ê 6 rojan bênavber bixebitin. Em ê hem Erdogan hem jî tirsa ku belav dike têk bibin. Erdexan bêyî Partiya Çepên Kesk nabe.”   ‘QET NETIRSIN’    Paylan, diyar kir ku dê dengekî xwe bidin Partiya Çepên Kesk yekî bidin Kiliçdaroglû û wiha berdewam kir: “Her wekîlê ku em ji vir bişînin wê peywîra mûxalefeta bingehîn bike, serdema pêş jî em ê bibin desthilat. Em li sewalkariya li vir dinerin lê mirov nikarin debara xwe bikin. Em li perçeyekî bihişt ê cîhanê dijîn lê xizan in ji ber serê avê girtine û didizin. Dema ev çûn wê gelê me dewlemend bibe ji ber ku xizanî ne qedera me ye.”   Di civînê de hunermend Pinar Aydinlar jî axaftineke kurt kir.