
Di doza Gulmez de dadgehê biryar da mutalaa beriya danişînê bê pêşkeşkirin 

2023-05-12 13:44:57


	AMED - Di doza Hevseroka DBP’a Amedê Seval Gulmez de ku bi îdiaya “Endamtiya rêxistinê” hatiye vekirin, şandeya dadgehê biryar da ku dozger mutalaaya xwe beriya danişînê pêşkeş bike.&nbsp;

	&nbsp;

	Hevseroka Partiya Herêmên Demokratîk (DBP) a Amedê Seval Gulmez bi “Endamtiya rêxistinê” tê darizandin. Danişîna dozê li 8’emîn Dadgeha Cezayên Giran a Amedê hate lidarxistin. Di danişîna dozê de ku ji îdianameyên hatine yekkirin pêk tê de Gulmez û parêzerên wê okan Altekîn û Seda Zengîn amade bûn.&nbsp;

	&nbsp;

	Dozger, xwest ku xisûsên kêm ên di dosyayê de bên temamkirin. Gulmez jî got ku parastinên xwe yên berê dubare dike û daxwaza beraeta xwe kir. Parêzera Gulmez, Seda Zengîn jî xwest ku miwekîla wê tev li danişînan nebe.&nbsp;

	&nbsp;

	DÊ DI NAVBERA DANIŞÎNAN DE MUTALAA BÊ PÊŞKEŞKIRIN&nbsp;

	&nbsp;

	Dadgehê biryar da ku dosya ji dozger re bê şandin, dozger beriya danişînê mutalaaya xwe pêşkeşî dadgehê bike, mutalaaya hatiye amadekirin tavilê ji bersûc û parêzeran re bê şandin û ji bo parastina xwe bikin heta danişîneke din dem jê re bê dayîn.&nbsp;

	&nbsp;

	Dadgehê daxwaza parêzeran a ku bila Gulmez tev li danişînan bibe red kir, biryar da ku tevdîra kontrola edlî bidome û danişîn taloqî 13’ê îlonê kir.&nbsp;

	&nbsp;