
Bûldan: Şansek dawî li pêşiya me heye 

2023-05-19 15:30:14


	&nbsp;

	STENBOL - Hevseroka Giştî ya HDP’ê Pervîn Bûldan di bîranîna kesên hatine windakirin de axivî û bal kişand ser hilbijartina 28’ê Gulanê û got: “Ji bo em tercîha di navbera ronahî û tarîtiyê de bikin, fersendek me ya dawî heye.”&nbsp;

	&nbsp;

	Dayikên Şemiyê û Komeleya Mafên Mirovan (ÎHD) a Şaxa Stenbolê di çarçoveya “17-31’ê Gulanê Hefteya Têkoşîna Dijî Windayên di Binçavan de” li ser gora Ridvan Karakoç û Hasan Ocak ên di binçavan de hatin windakirin û paşê cenazeyê wan hat dîtin û li Goristana Gaziyê ya Stenbolê bîranîn li dar xist. Di bîranînê de dirûşm hatin berzkirin. Hevseroka Giştî ya Partiya Demokratîk a Gelan (HDP) Pervîn Bûldan, Hevberdevkê Kongreya Demokratîk a Gelan (HDK) Cengîz Çîçek, rêveberên HDP, Partiya Çepên Kesk, ESP’ê û gelek kes tev li bîranînê bûn.&nbsp;

	&nbsp;

	‘DEWLET SER SÛCÊ HATIYE KIRIN DIGIRE’&nbsp;

	&nbsp;

	Seroka ÎHD’a Stenbolê Gulseren Yolerî di bîranînê de axivî û diyar kir ku 28 sal in Dayikên Şemiyê hemû tiştên qewimî ne di bîra xwe de girtine û got: “Di van salan de gelek daxwazên me çêbûn. Me di destpêkê de got yên ku we birine em bi saxî dixwazin. Niha jî têkoşîna me bi bila kujer bên dîtin û windayên me li ku &nbsp;ne didome. Lêgerîna me ya heqîqetê berdewam dike. Lê ji roja ewil ve rêveberên dewletê ser vî sûcî digirin. Astengkirina edaletê jî hê berdewam dike.”&nbsp;

	&nbsp;

	Kekê Hasan Ocak, Huseyîn Ocak jî da zanîn ku wan cenaze dîtiye û sûcê hatiye belgekirin. Ocak diyar kir ku dewletê ev qebûl kiriye û got: “Dewlet li ser sûc hat girtin.”&nbsp;

	&nbsp;

	‘LI PÊŞIYA ME FERSENDEK HEYE’&nbsp;

	&nbsp;

	Hevseroka Giştî ya HDP’ê Pervîn Bûldan jî destnîşan kir ku l dijî înfazên bêdaraz têkoşîna heqîqetê û edaletê didome û got: “Li gel ku kujer tên zanîn jî nehatine girtin û winda nehatine dîtin. Îro jî heman zîhniyet didome û ev zîhniyet wek îktidarên ku mirovên me winda kirin li ser kar û têkoşîna edaletê ya li Qada Galatasarayê li dayikên me qedexe kiriye.”

	&nbsp;

	Bûldan bal kişand ser hilbijartina serokkomariyê ya 28’ê Gulanê û got: “Sekna li dijî faşîzmê û berfirehkirina vê têkoşînê wezîfeya me ye. Ji bo em tercîha di navbera ronahî û tarîtiyê de bikin, fersendek me ya dawî heye.”&nbsp;

	&nbsp;

	Hanîfe Yildiz a dayika winda jî anî ziman ku wê lawê xwe bi destê xwe şandiye qereqolêk u îfade bide û dewletê ew xapandiye û lawê wê winda kiriye.&nbsp;

	&nbsp;