
Emîne Şenyaşar: Min bi tenê nehêlin

2023-05-23 16:06:51


	RIHA - Malbata Şenyaşar diyar kir ku ew ê nobeda xwe bidomînin û ev bang kir: “Em her kesî xwedî wîjdan vedixwîni piştevaniyê û bila me bi tenê nehêlin.”&nbsp;

	&nbsp;

	Nobeda Edaletê ya Emîne Şenyaşar û lawê wê Ferît Şenyaşar (Malbata Şenyaşar) a li ber Edliyeya Rihayê di roja 792’yemîn de berdewam dike.&nbsp;

	&nbsp;

	Malbat ji mala xwe ya li Pirsûsê hat ber Edliyeya Rihayê û li şûna her roj dest bi nobedê kir.&nbsp;

	&nbsp;

	‘EM Ê TÊKOŞÎNA XWE BERFIREH BIKIN’&nbsp;

	&nbsp;

	Parlamenterê Partiya Çepên Kesk ê Rihayê Ferît Şenyaşar di çalakiyê de axivî û wiha got: “Tirkiyeyê pêvajoya hilbijartinek bi sanco derbas kir. Di vê hilbijartinê de gelê Rihayê me bijart û wezîfe da me. Yên ku vê neheqiyê li me kirin, li bendê bûn ku piştî ez bibim parlamenter em ê dest ji Nobeda Edaletê berdin. Lê belê em ê vê nobedê hin berfire bikin û bidomînin. Em ê bi piştevaniya gelê Rihayê têkoşîna xwe bidomînin.

	&nbsp;

	Li Rihayê ewilî erdhej çêbû û paşê jî felaketa lehiyê rû da. Du felaketên mezin hatin serê Rihayê. Hê jî birînên van her du felaketan nehatine pêçan. Ez ê wek parlamenterekî li Enqereyê jî têkoşîna me bidomînim û li Rihayê jî bi piteşvaniya gel em ê têkoşîna xwe bidomînin.”&nbsp;

	&nbsp;

	‘MIN BI TENÊ NEHÊLIN’&nbsp;

	&nbsp;

	Emîn Şenyaşar jî axivî û got: “Wê Ferît biçe Enqereyê, ez ê li vir Nobeda Edaletê bidomînim. Heta lawê min ê girtî neyê berdan, ez ê ji vir ranebim. Ez gazî her kesê xwedî wîjdan dikim ku piştevaniya min bikin û min bi tenê nehêlin.”&nbsp;

	&nbsp;