ROJEVA 24'Ê GULANÊ YA 2023'YAN 

2023-05-24 09:00:10



	 

	* Parlementera Partiya Çep a Swêdê Ann Jessica Therese Karlqvistê diyar kir ku tecrîda Îmraliyê ne tecrîdeke di çarçoveya "sûc-ceza" de ye, tecrîdeke "tolhilandinê" ye û ji bo bêdengiya raya giştî ya Ewropayê ya ji bo tecrîdê ye jî got cihê "şermê" ye. 

	 

	* Parlementerê Partiya Çepên Kesk ê Amedê Serhat Eren destnîşan kir ku dengek dikare çarenûsa 85 milyon kesî biguherîne û bang kir ku di 28'ê Gulanê de her kes biçe ser sindoqê. 

	 

	* Hevseroka HDP'ê ya Stenbolê ÎLknûr Bîrol diyar kir ku tûra duduyan a hilbijartin serokkomariyê di wesfê referandûmê de ye û got: "Ji bo avakirin û diyarkirina siberoja xwe, em di 28'ê Gulanê de biçin ser sindoqê û dengê xwe bi kar bînin." 

	 

	* Rojnamevan Ceylan Şahînlî ku piştî 7 mehan hat berdan, bal kişand ser îdiayên di dosyeyê de û got ku di dosyeyê de hatiye xwestin ku kar û barên pîşeya wan bên krîmînalîzekirin. Şahînliyê got ku çi dibe bila bibe ew ê di rojnamevaniyê de israr bikin. 

	 

	* Maxdurên erdhejê yên Semsûrê ku li navenda Semsûrê dimînin bal kişandin ser karesata erdhejê ku alîkariya wan nehatibû kirin û gotin ku êdî ew guherînê dixwazin ji ber vê jî dê hilbijartina 28'ê Gulanê de rayên xwe bidin Kemal Kiliçdaroglû. 

	 

	* Endama PADÊ’yê Qehtan Xelîl anî ziman ku êrişên li dijî Şengal û Mexmûrê girêdayî hev in û wiha got: “Di çarçoveya peymanê de xeta Mexmûr, Kerkûk û Şengalê hatiye firotin. Heke bikarin vê xetê bi dest bixin dê her planên xwe pêk bînin. Divê em rê nedin vê.” 

	 

	* Leyla Kaplan Kertîş a OHD’î diyar kir ku pirsgirêka tecrîda li Îmraliyê pirsgirêkeke civakî ye û got ku bi tecrîdê hewl tê dayîn ku peywendiya Rêberê PKK’ê Abdullah Ocalan bi civakê re qut bikin.

	 

	* Şêniyên Wanê bal kişandin ku dê hilbijartina Serokkomariyê di nava “faşîzm û demokrasiyê” de be û wiha got: “Em ê kesên nasnameya me nas nakin di sindoqê de têk bibin.”

	 

	* Nobeda Edaletê ya Malbata Şenyaşar dê di roja 793'yemîn de berdewam bike. 

	 

	* Partiya Çepên Kesk li gelek bajaran dê xebatên hilbijartina Serokkomariyê ya 28'ê Gulanê berdewam bike. (10.00-21.00)

	 

	* Rewşenbîr, nivîskar û hunermend li hotêlek Taksîmê dê têkildarî hilbijartina serokkomariyê civîna çapemeniyê li dar bixin. (12.00) 

	 

	* ÎHD'a Edeneyê dê têkildarî Hefteya Windayan li Parka Înonu ya Edeneyê daxuyanî bide. (12.30)

	 

	* ÎHD dê li gelek bajaran têkildarî sûcên li zarokan tên kirin daxuyanî bide. (12.30-14.00)