
Li Sêrt, Mûş û Edeneyê binpêkirina dengdayînê 

2023-05-28 13:53:18


	NAVENDA NÛÇEYAN - Di dengdayîna hilbijartinê de binpêkirin jî zêde dibin. Li Sêrtê leşker û cerdevanan zext li welatiyan kirin ku rayên xwe vekirî bikar bînin. Li Mûşê rayên bi komî hatin bikaranîn. Li Edeneyê jî rêveber û endamên AKP’ê gef li wezîfedarên sindoqan xwarin.&nbsp;

	Dengdayîna ji bo tûra duyemîn a hilbijartina serokkomariyê berdewam dike. Bi dengdayînê re binpêkirinên hilbijartinê jî zêde dibin.&nbsp;

	&nbsp;

	Li gundê Kundîşa bi ser navçeya Berwariya Sêrtê ve leşker û cerdevanan gef li muşahîdên CHP’ê û Partiya Çepên Kesk xwarin. Her wiha leşker û cerdevanan zext li welatiyan kirin ku rayên xwe vekirî ango eşkere bikar bînin. Her wiha li gundê Hertvîn ê bi ser navçeyê ve hat xwestin ku ji bo Erdogan rayên komî bên bikaranîn. Lê muşahîdan bertek nîşan da û vê hewldanê rawestandin.&nbsp;

	&nbsp;

	LI MÛŞÊ RAYÊN KOMÎ HATIN BIKARANÎN&nbsp;

	&nbsp;

	Li bajarokê Sungu ya Mûşê jî wezîfedarên sindoqê yên AKP’yî zext li muşahîdên CHP’ê û Partiya Çepên Kesk kirin û ji dibistanê derxistin. Hat zanîn ku li bajarok gelek kesan bi komî deng dane.&nbsp;

	&nbsp;

	AKP’IYAN LI EDENEYÊ GEF LI WEZÎFEDARÊN SINDOQAN XWARIN&nbsp;

	&nbsp;

	Li taxa Kurttepe ya navçeya Çûkûrovaya Edeneyê hat tespîtkirin ku li sindoqa jimara 1132’yan a li Lîseya Anadolûyê ya Îbrahîm Atali mohra desteya hilbijartinê li ser belgeya berpirsên dibistanê û endamên desteya sindoqê nebûye û girteka vê hat girtin.&nbsp;

	&nbsp;

	Li Dibistana Seretayî ya Dogankenta navçeya Yuregîrê jî endam û rêveberên AKP’ê rayên eşkere bikar anîn. Di navbera AKP’iyan û wezîfedarên sindoqan de nîqaş derket. AKP’iyan gef li wezîfedarên sindoqan xwarin û gotin, “Em li ser sindoqan in ji we tê de ka hûn rayan betal bikin.” Girteka bikaranîna rayên vekirî hat girtin.&nbsp;

	&nbsp;