
Xelkê Mexmûrê 11 roj in li dijî dorpêçê li ber xwe dide 

2023-05-30 14:27:28


	&nbsp;

	NAVENDA NÛÇEYAN - Berxwedana xelkê Wargeha Mexmûrê ya li hemberî hewldana dorpêçkirinê ya artêşa Iraqê di roja 11’an de berdewam dike.&nbsp;

	&nbsp;

	Artêşa Iraqê di 20’ê gulanê de ji bo dora Wargeha Penaberan a Şehîd Rûstem Cûdî (Mexmûr) bi têlên direhî bigire û li dora wargehê kuleyên leşkerî ava bike, bi hêzeke mezin a leşker û wesayîtên zirxî berê xwe da wargehê. Xelkê wargehê li dijî vê hewldanê serî rakir û bertekên tund nîşan dan. Pêla êrişê ya artêşa Iraqê ya ewil hate şikandin û artêş neçar ma ku paşve vekişe. Lê piştre careke din êrişî wargehê kir, dest bi kolandina xendekan kir û biisrar e ku plana xwe bigihîne serî. Xelkê Mexmûrê jî ji bo têkbirina planê dest bi nobetê kir û ev 11 roj in bi şev û roj li ber xwe dide.&nbsp;

	&nbsp;

	Ji heft salî heta heftê salî hemû şêniyên wargehê di çalakiyê de cih digirin. Welatî di çalakiyê de stranan dibêjin, li ber govendê digerînin, dirûşman berz dikin û biisrar in ku hewldana dorpêçkirina wargehê vala derxînin.&nbsp;

	&nbsp;

	Welatî bang li her çar aliyên Kurdistanê dikin ku xwedî li berxwedana wan derbikevin û bang li hêzên navneteweyî jî dikin ku bi berpirsyartiya xwe rabin, zextê li hikûmetên Iraq û Herêma Federe ya Kurdistanê bikin ku dawî li dorpêça ser wargehê bînin.&nbsp;

	&nbsp;