
ROJEVA 1’Ê HEZÎRANA 2023’YAN 

2023-06-01 09:00:10


	&nbsp;

	&nbsp;

	&nbsp;

	* Nexweşa pênceşêrê Elîf Rûşen diyar kir ku ji ber piştî erdhejê li Nexweşxaneyên Semsûrê bijîşkên nexweşiya wê neman, tevî nexweşiya xwe jî bi derfetên xwe diçe Dîlokê tedawî dibe û xwest wesayîteke taybet jê re were veqetandin.&nbsp;

	&nbsp;

	* Bi fermana waliyê Şirnexê li herêmê dar tên birîn û walî bi îdiaya “dê darên fistiqan li şûna wan bên çandin” hewl dide vê talanê rewa bike. Xelkê herêmê jî bertek nîşan da û wiha got: “Ma dema darên me hatin birîn û bêdar man dê çi ji fistiqan bikin? Bila walî vê talanê bide sekinandin.”

	&nbsp;

	* Serokê Baroya Îzmîrê Sefa Yilmaz diyar kir ku Erdogan peyama ku dê mudaxileya li darazê bidome daye û got: "Li ber cibeya me ne qulpik hene ne jî bişkok. Em ê bêyî tirs têkoşîna xwe bidomînin."&nbsp;

	&nbsp;

	* Buroya Hiqûqê ya Asrinê ku ji bo dawî li bêragihandina mutleq a li hember Rêberê PKK'ê Abdullah Ocalan bê serî li CPT'yê da, diyar kir ku demildest ew li benda helwesteke çareserkirinê ne.&nbsp;

	&nbsp;

	*Malbata Çeriyê ku ji bo debara xwe bike bi awayekî demsalî li nava zeviyan dixebite, bi van gotinan bandorên krîza aborî xulase kir: "Em bi pereyê ku 3 mehan bi dest dixin, hewl didin 9 mehan pê debara xwe bikin."&nbsp;

	&nbsp;

	* Nûçegihanê MA'yê Emrûllah Acar ku piştî 7 mehn ji girtîgehê derket, diyar kir ku ji ber nûçeyên xwe hatine sûcdarkirin û got: "Ji me kesek tenê jî li derve bimîne, wê rastî di tariyê de nemînin."

	&nbsp;

	* Mustafa Bor ê li Geverê di serdegirtina malê de bi tundiya polîsan re rûbirû mabû wiha got: “Ev rewş 6 sal in bi awayek sîstematîk didome. Xetere li ser jiyana min heye.”&nbsp;

	&nbsp;

	* Siyasetzan Ahmet Mûrat Aytaç diyar kir ku Erdogan di hilbijartinan de serkeftineke teqez bi dest nexistiye û wiha got: “Divê muxalefet her cureyên ku siyaseta wekhevî û azadiyê bihêz dike binirxîne.”

	&nbsp;

	* Çalakiya Nobeta Edaletê ya Malbata Şenyaşar dê di roja 801’an de bidome.&nbsp;

	&nbsp;

	* Danişîna doza Şadiye Şanap ku piştî tehliyekirinê dîsa hatibû girtin dê li 2’yemîn Dadgeha Cezayên Giran a Kocaeliyê bê lidarxistin. (10.00)

	&nbsp;

	* Berdevka HDP’ê Ebrû Gunay dê têkildarî pêvajoya jinûveavakirinê û plansaziya xebatê daxuyaniya çapemeniyê li dar bixe. (11.30) ZINDÎ&nbsp;

	&nbsp;

	* Duyemîn danişîna doza Hevseroka Giştî ya ÎHD’ê Eren Keskîn ku ji ber parvekirinên li ser doza Denîz Poyraz tê darizandin dê li 18’emîn Dadgeha Cezayên Giran a Îzmîrê bê lidarxistin. (12.00)

	&nbsp;