
Berxwedana gelê Mexmûrê di roja 13’an de didome  

2023-06-01 13:48:13


	&nbsp;

	NAVENDA NÛÇEYAN - Berxwedana şêniyên Wargeha Penaberan a Mexmûrê ya li hemberî hewldana dorpêçkirina artêşa Iraqê di roja 13’an de berdewam dike.&nbsp;

	&nbsp;

	Ji 20’ê gulanê ve artêşa Iraqê hewl dide derdora wargeha penaberan ya Şehîd Rûstem Cûdî (Mexmûr) xendekan bikole, bi têla direhî bipêçe û kuleyan ava bike. Xelkê Mexmûrê jî tevî her zext û zordariyan jî ji roja destpêkê heta niha bênavber li ber xwe dide û dibêje ku dê rê nedin hewldana dorpêçkirina wargehê.&nbsp;

	&nbsp;

	NOBETA BERXWEDANÊ DIDOME

	&nbsp;

	Berxwedana şêniyên wargehê ya bi şev û roj 13 roj li pey xwe hişt. Li hêla din leşkerên artêşa Iraqê jî biisrar in ku plana xwe bi ser bixin û dora wargehê bi têlan dorpêç bikin. Xelkê wargehê duh bi şev jî di konên berxwedanê de heya siharê nobed girtin û heya niha ev berxwedan berdewam dike.&nbsp;

	&nbsp;

	DI ÊRIŞÊ DE CIWANEK BIRÎNDAR BÛ

	&nbsp;

	Hêjayî bibîrxistinê ye ku artêşa Iraqê di 20’ê gulanê de xwest ku derdora Wargeha Penaberan a Şehîd Rûstem Cûdî (Mexmûr) bi têlan bigre. Di danê êvara 20’ê gulanê de hêzên Iraqê bi çekan êrişî xelkê Wargeha Mexmûrê kir û xelkê Wargeha Mexmûrê jî bi keviran bersiva wan da. Di encama gulebarana artêşa Iraqê de ciwanê bi navê Ehmed Emer Mijînî birîndar bû û rakirin nexweşxaneyê.

	&nbsp;