
Eren Keskîn beraet bû 

2023-06-01 14:50:38


	&nbsp;

	ÎZMÎR - Hevseroka Giştî ya ÎHD’ê Eren Keskîn darizandina bavê Denîz Poyraz rexne kiribû. Keskîn ji ber vê yekê dihat darizandin. Dadgehê derbarê dozê de biryara beraetê da.&nbsp;

	&nbsp;

	Hevseroka Giştî ya Komeleya Mafên Mirovan (ÎHD) Eren Keskîn, darizandina bavê Denîz Poyraz a li avahiya HDP’a Îzmîrê hatibû qetilkirin Abdulîllah Poyraz rexne kiribû. Bi hinceta ku Eren Keskîn nerazîbûn nîşan daye, derbarê wê de doz hatibû vekirin. Danişîna duyemîn a doza Keskîn li 18’emîn Dadgeha Cezayê Giran a Îzmîrê hat lidarxistin. Keskîn bi îdiaya “heqaret li wezîfedarê cemaweriyê kiriye” û “kesên dijî terorê têkoşiyane hedef nîşan daye” dihat darizandin. Keskîn û parêzerên xwe di danişînê de amade bûn. Malbata Poyraz, Serokê Rûmetê yê ÎHD’ê Akin Bîrdal, Serokê Baroya Îzmîrê Sefa Yilmaz û gelek kes tev li danişînê bûn.&nbsp;

	&nbsp;

	Piştî tespîta nasnameyê Keskîn û parêzerên xwe parastinê kirin. Keskîn xwest were beraetkirin. Parêzerên wê jî parastinê kirin û daxwaza beraetê kirin.&nbsp;

	&nbsp;

	BIRYARA BERAETÊ

	&nbsp;

	Şandeya dadgehê diyar kir ku ev sûcê ku Keskîn jê tê darizandin nabe ku bibe sûcê yasayê û derbarê Keskîn de biryara beraetê da.&nbsp;

	&nbsp;

	Piştî danişînê li ber edliyeyê daxuyanî dan û û hat destnîşankirin ku darizandina Keskîn darizandina azadiya raman û derbirînê ye.&nbsp;

	&nbsp;

	&nbsp;

	&nbsp;