
Di doza rojnameger Olçen de dê xwe li benda biryara ‘girtinê’ bigirin 

2023-06-05 12:47:07


	&nbsp;

	AMED - Danişîna doza Xwediyê Îmtiyazê yê Rojnameya Azadiya Welat Ramazan Olçen bi sedema xwe li benda “biryara girtinê” bigirin hate taloqkirin.&nbsp;

	&nbsp;

	Rojnameya Azadiya Welat bi Biryarnameya di Hukmê Qanûnê de (KHK) hatibû girtin. Bi hinceta nûçe û nivîsên di rojnameyê de hatine weşandin, derheqê Xwediyê Îmtiyazê yê Rojnameya Azadiya Welat Ramazan Olçen de bi îdiayên “propagandaya rêxistinê” û “endamtiya rêxistinê” doz hatibû vekirin. Danişîna dozê hate taloqkiririn.

	&nbsp;

	Danişîn, li 11’emîn Dadgeha Cezayên Giran a Amedê hate lidarxistin. Rojnameger Olçen ku derheqê wî de biryara girtinê heye û parêzer tev li danişînê nebûn. Dozger, xwest ku xwe li benda biryara girtina Olçen bigirin û xwest ku kêmaniyên di dosyayê de bên temamkirin.&nbsp;

	&nbsp;

	Dadgehê jî biryar da ku xwe li benda biryara girtina Olçen bigirin û kêmaniyên di dosyayê de bên temamkirin. Danişîna dozê taloqî 2’yê cotmehê hate kirin.&nbsp;

	&nbsp;