Tirkiyeyê êrişî Şehba û Şêrawayê kir: Leşkerekî Şamê hat kuştin  

2023-06-14 11:12:06


	 

	NAVENDA NÛÇEYAN - Di êrişên hewayî yên Tirkiyeyê ya li dijî nokteya hêzên hikumeta Şamê yên li navçeya Şêrawa ya Efrînê û herêma Şehbayê de, leşkerekî Şamê hat kuştin, 3 leşker jî birîndar bûn.

	 

	Êrişên balafirên bêmirov ên Tirkiyeyê li dijî gundên Efrîn û Şehbayê ji şevê din ve bênavber berdewam dikin.

	 

	Dronek biçek a Tirkiyeyê derdora gundê Bênê yê navçeya Şêrawa ya Efrînê bombebaran kir. Di êrişê de leşkerekî hikumeta Şamê hat kuştin û leşkerek jî birîndar bû.

	 

	Balafirên Tirkiyeyê saet di 06:00 û 07:00'an de jî du caran nokteyên hêzên hikumeta Şamê ya li derdora navçeya Til Rifat a herêma Şehbayê bombebaran kir.

	 

	Li gorî agahiyên destpêkê, di wê êrişê de jî 2 leşkerên hikumeta Şamê birîndar bûne.