
Li Enqereyê û Îzmîrê 4 kes hatin binçavkirin

2023-06-19 12:23:42


	&nbsp;

	ENQERE - Di serdegirtinên malan ên li Enqere û Îzmîrê de endama Koordînasyona Navendî ya TOP’ê Hatîce Goz di nav de 4 kes hatin binçavkirin.&nbsp;

	&nbsp;

	Li Enqere û Îzmîrê li dijî endamên Partiya Azadiya Civakî (TOP) û Piştevaniya Mor operasyon hate lidarxistin. Di serdegirtina malan a her du bajaran de endama Koordînasyona Navendî ya TOP’ê Hatîce Goz di nav de 4 kes hatin binçavkirin. Ji bo lêpirsîna ji aliyê Serdozgeriya Komarê ya Enqereyê hatiye destpêkirin ve biryara nepen hate wergirtin.&nbsp;

	&nbsp;

	Endama Lijneya Berdevkên TOP’ê û parlamantera Partiya Çepên Kesk a Mêrsînê Perîhan Koca têkildarî binçavkirinan de axivî û wiha got: “Em difikirin ku di nava amadekariyên doza komployê de ne. Pere û zêrên di dawetê de hatine pêvekirin weke sûc tên nirxandin. Dewlet dixwaze piştî hilbijartinê hemû tundiya xwe arasteyî mûxalîfan bike.”

	&nbsp;