
Dozger îdianameya rojnamevan Gok û Orûç şand dadgehê  

2023-06-23 13:11:59


	&nbsp;

	AMED - Îdianameya rojnamevanên girtî Abdurrahman Gok û Mehmet Şah Orûç ku girtî ne bo dadgehê hat şandin.&nbsp;

	&nbsp;

	Edîtorê Ajansa Mezopotamya (MA) Abdurrahman Gok û nûçegihanê MA’yê Mehmet Şah Orûç di çarçoveya lêpirsîna Serdozgeriya Komarê ya Amedê di 25’ê nîsanê de dabû destpêkirin, di 27’ê nîsanê de bi îdiaya “endamtiya rêxistinê” hatibûn girtin.&nbsp;

	&nbsp;

	Nûçegihana JINNEWS’ê Bêrîtan Canozer jî ku li gel Gok û Orûç hatibû girtin, îro îdianameya wê ji aliyê 10’emîn Dadgeha Cezayê Giran a Amedê ve hat qebûlkirin û biryara berdana wê hat dayîn.&nbsp;

	&nbsp;

	ÎDIANAMEYA GOK Û ORÛÇ PÊŞKÊŞÎ DADGEHÊ HATIN KIRIN&nbsp;

	&nbsp;

	Serdozgeriya Komarê ya Amedê derbarê Abdurahman Gok û Mehmet Şah Orûç de jî îdianame amade kir. Dozger îdianameya Orûç şand 4’emîn Dadgeha Cezayê Giran a Amedê û îdianameya Gok jî şand 5’emîn Dadgeha Cezayê Giran a Amedê.&nbsp;

	&nbsp;

	NIRXANDINA GIRTINÊ&nbsp;

	&nbsp;

	Tê payîn her du dadgeh jî îdianameyan qebûl bikin û girtina Gok û Orûç li ber çavan bigire û binirxîne.&nbsp;

	&nbsp;