
Li gundê Zîlanê agir bi genimê gundiyan ket 

2023-07-02 13:31:46


	ÊLIH - Li gundê Zîlanê yê bi ser navçeya Hezoyê ve agir bi genimê şêniyên gund ket û di encama mudaxileya gundiyan de agir hat vemirandin. Hat zanîn nêzî 100 donim genim şewitî.

	Li gundê Zîlan ê navçeya Hezoya ya Êlih li ser rêya Êlih-Wanê agir bi zeviyên genim ên ber çinînê ket. Agir di demekî kin de belav bû genimê sê çar malbatan şewitand. Hat zanîn ku şewat ji ber qotika cixarêyê derketiye.&nbsp;

	&nbsp;

	Bi derketina şewatê re xelkê gund û gundên derdorê bi hawarê çûn. Welatiyan bi derfetên xwe rê li ber belavbûna agir girtin û nehiştin hêj belavtir bibe. Demek piştre jî agir bi temamî hate vemirandin. Hat zanîn ku di şewatê de nêzî 100 donimên zeviyên genim şewitîn.&nbsp;

	&nbsp;

	TÎMÊN AGIRKUJIYÊ DERENG HATIN

	&nbsp;

	Dema şewat derketî welatî yekser li tîmên agirkujiyê yên şaredariyên Hezo û Êlihê geriyan. Lê tîmên agirkujiyê dereng hatin cihê bûyerê û heta ew hatin, welatiyan agir vemirandin.

	&nbsp;

	BÎÇER ŞANDIN DEVERA ŞEWATÊ

	&nbsp;

	Welatiyên gundê Zîlanê ji ajokarên bîçeran ên li deverek din a gund genim diçandin re gotin ku biçin herêma şewatê û genimên li wê deverê ku li ser rêya navneteweyî Rêya Îpekê cih digirin, biçinînin.&nbsp;