
Cezayê muebedê li kujerê Makbûle Sevînçê hat birîn 

2023-07-05 17:30:44


	&nbsp;

	&nbsp;

	&nbsp;

	MÛŞ - Li Necat Sevînçê ku hevjîna xwe Makbûle Sevînçê kuşt, cezayê muebedê hat birîn.

	&nbsp;

	Necat Sevînç, di sala 2021'ê de, li ser rêya Erziromê hevjîna xwe Makbûle Sevînçê kuştibû. Danişîna biryardayînê ya dozê îro li Dadgeha Cezayê Giran a 2'yan a Mûşê hat lidarxistin. Kujer Necat Sevînç ji Girtîgeha Maltepe ya Stenbolê bi rêya SEGBÎS'ê tevlî danişînê bû. Ji xeynî parêzerên Navenda Mafên Jinan a Baroya Mûşê, dayik Adîle Guler û ferdên malbatê jî tevlî danişînê bûn.

	&nbsp;

	Danişîn bi tespîtkirina nasnameyê dest pê kir. Piştî parastina kujer, heyeta dadgehê biryara xwe eşkere kir. Dadgehê bi sûcê "kuştina bi qesdî" cezayê muebedê li Necat Sevînç birî.&nbsp;