
Li Hezro, Farqîn û Erxeniyê civînên gel 

2023-07-19 19:29:34


	&nbsp;

	AMED - HDP û Partiya Çepên Kesk, li navenda Hezro, Farqîn û Erxeniyê û gundên wan civînên gel li dar xistin.&nbsp;

	&nbsp;

	Li Amedê civînên gel ên Partiya Demokratîk a Gelan (HDP) û Partiya Çepên Kesk didomin. HDP û PArtiya Çepên Kesk li gundên Barqoş û Monseyê yên navçeya Hezroyê û li navena Farqîn û Erxeniyê civînên gel li dar xistin. Endamê Meclisa Partiyê ya HDP'ê Kerem Canpolat, Endamê Meclisa Partiyê ya PArtiya Herêmên Demokratîk (DBP) Garîp Kandemîr, Hevseroka HDP a Amedê Gulîstan Atasoy Tekdemîr, rêveberên partiy yên navçeyan û bajêr û gelek welatî tevlî civînan bûn.&nbsp;

	&nbsp;

	Beriya civînê ji bo kesên ku li Rojavayê jiyana xwe ji dest dane deqeyek rêz hat girtin. Hevseroka HDP a Amedê Gulistan Atasoy ku li vir axiv, di 11'mîn salvegera Şoreşa Rojavayê de kesên jiyana xwe ji dest dane bibîr anîn û got ku Şoreşa Rojavayê di dîroka nêzîk de şoreşa herî mezin e. Atasoyê got: "Rojava tu carî tenê bi erdnîgariya Bakurê Sûriyeyê sînordar nemaye. Tu wextî nehatibû dîtin ku kurdên li li her çar perçeyan û li cîhanê bi yekruhî têkoşiyane."

	&nbsp;

	Civîna gel a li avahiya partiyê ya Farqînê bi beşdariya Hevserokê HDP a Amedê &nbsp;Zeyyat Ceylan, endama Meclisa Partiyê ya HDP'ê Betul Çelebî, endamê Meclisa Partiyê ya HDP'ê Îrfan Soner, Hevşaredara Farqînê Naşîde Toprak û gelek welatiyan hat lidarxistin.&nbsp;

	&nbsp;

	Her wiha di heman wextê de li Erxeniyê jî civîna gel hat lidarxistin. Endamê Meclisa Partiyê ya HDP'ê Necatî Pîrînçoglû, Hevseroka DBP'ê ya Amedê Hasîbe Çolak, rêveberê MED-DER'ê Rifat Ronî û gelek welatî tevlî civînê bûn.

	&nbsp;

	Civîn bi awayekî ji çapemeniyê re girtî domandin. &nbsp;