
Dozgeriyê xwest biryara beraetê ya der barê Ûysal de bê xerakirin

2023-07-25 09:07:35


	AMED - Di doza der barê Parlamentera Partiya Çepên Kesk a Şirnexê Newroz Ûysal de biryara beraetê hatibû dayîn. Piştî biryara beraetê dozgeriyê îtiraz kir û serî li Dadgeha Îstinafê da.&nbsp;

	Di doza der barê Parlamentera Partiya Çepên Kesk a Şirnexê Newroz Ûysal de ku ji ber daxuyaniyên dema qedexeyên derketina derve, delegetiya Kongreya Civaka Demokratîk (KCD) û panelên li ser tecrîda li ser Rêberê PKK'ê Abdullah Ocalan de bi îdiaya "endamtiya rêxistinê" doz hatibû vekirin. Dadgeha Cezayê Giran a 10'an a Amedê der barê Ûysal de biryara beratê dabû. Dadgehê sedema beraetê eşkere kir. Dadgehê di biryara xwe de de diyar kir ku delîlên qanihker tune ne.&nbsp;

	&nbsp;

	Lê belê piştî biryara dadgehê, Dozgeriya Komarê ya Amedê ji bo xerakirina biryara beraetê û cezakirina Ûysal serî li Dadgeha Edliye ya Herêmê ya Amedê (Dadgeha Îstînafê) da.&nbsp;

	&nbsp;

	&nbsp;