
Li Duhokê êrişa SÎHA’yê: Welatiyekî jiyana xwe ji dest da

2023-08-06 22:07:31


	&nbsp;

	NAVENDA NÛÇEYAN - Dewleta tirk li gundê Çemankê yê girêdayî Duhokê bi SÎHA’yê êrişî wesayîteke welatiyekî kir. Di êrişê de welatiyekî jiyana xwe ji dest da.&nbsp;

	&nbsp;

	Dewleta tirk li bajarê Duhokê yê Herêma Kurdistana Federe bi Balafira Bêmirov û Biçek (SÎHA) êrişî wesayîta welatiyekî kir. Di êrişa li gundê Çemankê hate kirin de welatiyek hate qetilkirin yek jî bi giranî birîndar bû.&nbsp;

	&nbsp;

	Li gorî nûçeya Rojnewsê hate diyarkirin ku dema welatî ji bo avdana baxçeyên xwe çûbûn gundê Bilnibaza hedef hatine girtin. Hate diyarkirin ku welatiyê bi navê Alan Îsmaîl hate qetilkirin. Welatiyê bi navê Haşim Şakîr jî bi giranî birîndar bûye.&nbsp;

	&nbsp;

	Hate diyarkirin ku Alan Îsmaîl ê hate qetilkirin çend meh in zewicî ye û kurê muxtarî ye. &nbsp;

	&nbsp;