
Dîroka kongreya awarte ya HDP’ê diyar bû  

2023-08-07 14:52:24


	&nbsp;

	ENQERE - Di civîna PM’a HDP’ê de biryar hate dayîn ku kongreya awarte di 27’ê tebaxê de bê lidarxistin.&nbsp;

	&nbsp;

	Meclisa Partiyê (PM) ya Partiya Demokratîk a Gelan (HDP) bi rojeva kongreya awarte civiya. Hevserokên Giştî yên HDP’ê Pervîn Buldan û Mîthat Sancar serokatiya civînê kirin û dîroka kongreya awarte ya HDP’ê diyar bû. Di civînê de biryar hat dayîn ku Kongreya Awarte di 27’ê tebaxa 2023’yan de li Navenda Bazirganiyê ya Cîhanê bê lidarxistin. Di civîna PM’ê de MYK hate erkdarkirin ku partiyê ber bi kongreyê ve bibe.&nbsp;

	&nbsp;

	Partiya Çepên Kesk û HDP’ê hefteyek berê civîna Lijneya Rêveberiya Navendî (MYK) li dar xistibû. Di civînê de biryar hatibû dayîn ku HDP ber bi kongreya awarte ve biçe, hebûna HDP’ê were parastin û rayeyên xwe jî dewrî Partiya Çepên Kesk bike. Di heman demê de biryar hatibû dayîn ku kongreya Partiya Çepên Kesk jî di dawiya meha îlonê de were lidarxistin û rêzname û navê wê were guherandin. Lê belê ji bo navê nû tu biryar nehatibûn dayîn.&nbsp;

	&nbsp;