
Gogun ê li Girtîgeha Amedê tê ragirtin bi berikê guleyê birîndar bû

2023-08-07 21:22:24


	&nbsp;

	AMED - Ahmet Gogun ê li Girtîgeha Ewlehiya Bilind a Hejmara 1’an a Amedê tê ragirtin, li hewşa qawişê bi berikê guleyê birîndar bû. Hate zanîn ku polîsan piştî 4 saetan îfadeya Gogun wergirtine û dozger û midurên girtîgehê pê re neaxivîne.&nbsp;

	&nbsp;

	Girtiyê bi navê Ahmet Gogun ku li Girtîgeha Ewlehiya Bilind a Hejmara 1’an a Amedê di qawişa A-11’an de tê ragirtin, dema di 6’ê tebaxê saet 16.30’an de di hewşa qawişê de rûdinişt berikê guleyê lê ket. Gogun ê bi berika guleyê ku nehate tespîtkirin ji ku ve çawa hatiye hewşa qawişê birîndar bû, ji jora qurçika xwe ya ji aliyê rastê ve birîndar bû.&nbsp;

	&nbsp;

	Hate zanîn ku piştî Gogun birîndar bû, bi ambûlansê birine nexweşxaneyê û rewşa wî ya tenduristiyê baş e.&nbsp;

	&nbsp;

	OHD’Ê SERDANA GOGUN KIR

	&nbsp;

	Piştî bûyerê parêzerek ji Komeleya Hiqûqnasan a ji bo Azadiyê (OHD ) çû serdana girtîgehê. Li gorî agahiyên me ji parêzerê OHD’î bi dest xistin, guleya bi Gogun ketiye tenê li jora gurçika wî ya rastê bûye sedemê sorbûn û werimînê. Parêzer ragihand ku Gogun ewilî sewqî nexweşxaneya kampusê hatiye kirin, piştî ku bijîşk hînbûye birîndarbûna ji guleyê ye sewqî Nexweşxaneya Lêkolîn û Perwerdehiyê ya Gazî Yaşargîl a Amedê hatiye kirin û piştî kontrolan dîsa anîne girtîgehê. Parêzer, anî ziman ku îfadeya Gogun ji aliyê polîsên Qereqola Hûzûrê ve hatiye wergirtin.&nbsp;

	&nbsp;

	POLÎS PIŞTÎ 4 SAETAN HATIN&nbsp;

	&nbsp;

	Parêzer bi lêv kir ku Gogun gilî kiriye û gotiye polîs piştî 4 saetan hatine girtîgehê û wiha got: “Tê texmînkirin ku berika guleyê, berika guleya demanceyê ye. Berik radestî gardiyanan tê kirin.” Hate ragihandin ku piştî bûyerê dozger û midurê girtîgehê bi Gogun re neaxivîne.&nbsp;

	&nbsp;

	BERIYA NIHA JÎ QEWIMÎ YE

	&nbsp;

	Hate zanîn ku di dîrokên cuda de li girtîgehê çend caran li hewşên qawîşan berikên guleyan ketine û ev rewş ji rêveberiya girtîgehê û dozgeriyê re jî hatiye ragihandin lê tu gav nehatiye avêtin.

	&nbsp;

	Hate diyarkirin ku derbarê bûyerê de OHD wê sibê bi dozgeriyê re hevdîtinê bike û pêvajoya hiqûqî ya pêwîst bidin meşandin.&nbsp;

	&nbsp;

	&nbsp;