
Ciwanan li dijî tecrîdê banga hevgirtinê kirin 

2023-08-09 21:33:42


	&nbsp;

	LOZAN - Tevgerên ciwanan, di çalakiya li Lozanê ji bo Rêberê PKK’ê Abdullah Ocalan kirin de li dijî tecrîdê banga hevgirtinê kirin.&nbsp;

	&nbsp;

	Li bajarê Lozanê yê Swîsreyê bi daxwaza ku tecrîda li ser Rêberê PKK'ê Abdullah Ocalan bê rakirin û azadiya wî pêk were çalakiyek hate lidarxistin.Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ku li ber îstasyona trênê ya navendê hatin bahev, li vir daxuyaniyek dan.&nbsp;

	&nbsp;

	Di çalakiya ku her tim daxwaza azadiya Abdullah Ocalan hate kirin de daxuyanî bi metnê fransizî hate xwendin. Hayrî Amed ê li ser navê tevgerên ciwanan axivî, wiha got: “Li dijî tecrîda mutleq a 29 meh in bêhiqûqî, ne însanî û nayê qebûlkirin, em bang li ciwanên kurd dikin ku li ser bingeha azadiya Rêber Apo bibin yek.”

	&nbsp;

	Piştî axaftinê ciwanan bi banga beşdarbûna çalakiya ku wê 12’ê tebaxê saet 17.00’an li Qada St Laurant a Lozanê li ser esasê mîsogerkirina azadiya Abdullah Ocalan di pêşengtiya TCŞ û TekoJIN'ê de bê lidarxistin bi dawî kirin.&nbsp;

	&nbsp;

	&nbsp;

	&nbsp;