
‘Di sala 1938’an de mirov niha jî xweza tê qetilkirin’ 

2023-08-10 09:11:30


	DÊRSIM - Huseyîn Çelîk ê 80 salî ku komkujiya piştî berxwedana 1938’an li Dêrsimê çêbû bi bîr xist, wiha got: “Wê demê mirov hatin qetilkirin. Kesên ev yek kirin îro xwezayê qetil dikin.”

	&nbsp;

	Bi 21’emîn Mihrîcana Çand û Xwezayê ya Munzurê ku bi dirûşma “Li dijî talankirina madenan em xweza û jiyanê diparêzin” li Dêrsimê li dijî polîtîkayên desthilatê yên ku talana ekolojîk kûrtir kir hêrs zêde bû. Bi hezaran kesên di mîhrîcanê de li dijî kana madenê ya tê plankirin a li Dêrsîmê hatin cem hev, qêriyan û gotin ku wê destûrê nedin talankirina xwezayê.

	&nbsp;

	‘BI AVANIYA XWEZAYA TÊ LÎSTIN’&nbsp;

	&nbsp;

	Fûnda Çelîk a 84 salî ku li Dêrsimê dijî, anî ziman ku li dijî xweza Dêrsimê polîtîkayên talanê tên meşandin û bi lêv kir ku li dijî vê rewşê ne. Çelîk anî ziman ku bi xwezaya bajêr tê lîstin. Esma Toprak a 63 salî jî diyar kir ku hewl tê dayîn xwezaya Dêrsimê bê qirêjkirin û wiha got: “Heke hatibûna xwezaya Dêrsimê dîtibûna ev tişt nedikirin. Em li dijî bendavan e. Bila kes bi avaniya mirov û xwezayê nelîze.”

	&nbsp;

	‘DIVÊ LI DIJÎ TALANA EKOLOJÎK BIBIN YEK’&nbsp;

	&nbsp;

	Huseyîn Çelîk ê 89 salî jî diyar kir ku divê mirov li dijî talana ekolojîk bibin yek. Çelîk, destnîşan kir ku têkoşîna ekolojîk têkoşîneke civakî ye û wiha got: “Di sala 1938’an de ewqas avahî hatin şewitandin û hilweşandin. Mirov hatin qetilkirin. Mirovên ku ev kirin niha jî xwezayê qetil dikin. Bi min û bi te ev kar naqede. Divê yên serî helwesteke wekhevîxwaz bin. Heke yekitî nebe, siyaseta ku dimeşîne jî bi kêrî tiştekê nayê.”

	&nbsp;

	‘PÊDIVIYA MIROVAN BI XWEZAYÊ HEYE’&nbsp;

	&nbsp;

	Endama Komeleya Ji Bo Xwezayê Huner Goksel Ezelturk, bi bîr xist ku mirov jî perçeyek ji xwezayê ne. Ezelturk, diyar kir ku xweza ji bo madenan tê talankirin û wiha got: “Pêdiviya mirovan bi vê axê heye, di heman demê de pêdiviya xwezayê jî bi mirovan heye. Di hawîrdoreke ku mirov xwezayê evqas qetildikin de, şensê jiyîna mirovan a zêde nabe. Divê ev li ber çav bên girtin û polîtîkayên nû bên diyarkirin. Divê mijarê de divê polîtîkayên dewletê ji nû vê bên nûkirin.”

	&nbsp;

	‘KRÎZA AVHEWAYÊ DILEZÎNE’&nbsp;

	&nbsp;

	Ezelturk, destnîşan kir ku talana daran krîza avhewayê dilezîne û wiha berdewam kir: “Talana daran wê bandorên gelekî giran li bêavî û zêdebûna germê bike. Pêdiviya me bi rêxistinkirineke rast heye, ji ber ku dewlet di noxteyeke ku di nava gel û sermayeyê de sermayeyê diparêze de ye.”

	&nbsp;

	&nbsp;