
3 girtî piştî 30 salan ji girtîgehê derketin  

2023-08-16 22:10:14


	&nbsp;

	&nbsp;

	STENBOL- Girtî Mûsa Şanak, Mehmet Înal û Adnan Karakaş piştî 30 salan ji girtîgehê derketin.

	&nbsp;

	Mehmet Înal, Mûsa Şanak û Adnan Karakaş ku di Girtîgeha Bolû ya Tîpa F'yê de bûn, piştî 30 salan ji girtîgehê derketin. MATÛHAY-DER,, ANYAKAY-DER, HDP, KCD û TJA her sê girtî li ber girtîgehê bi kulîlkan pêşwazî kirin.&nbsp;

	&nbsp;

	Mûsa Şanak di sala 1993'yan de li Stenbolê hatiye binçavkirin û paşê hatiye girtin. Dadgeha Ewlehiyê ya Dewletê (DGM) a Bayrampaşayê bi îdiaya "xirakirina yekpareyiya dewletê" cezayê muebedê lê biriye. Şanak ku di 29 saliya xwe de hat girtin, di 59 saliya xwe de ji girtîgehê derket.&nbsp;

	&nbsp;

	Adnan Karakaş jî di sala 1993'yan de li Nisêbîna Mêrdînê hatiey binçavkirin û paşê hatiye girtin.Dadgeha Ewlehiyê ya Dewletê (DGM) a Amedê bi îdiaya "xirakirina yekpareyiya dewletê" cezayê muebedê lê biriye.Karakaş ku di 30 saliya xwe de hat girtin, di 60 saliya xwe de ji girtîgehê derket.&nbsp;

	&nbsp;

	Mehmet Înal jî di 1992'yan de li Avcilara Stenbolê hatiye binçavkirin û paşê hatiye girtin. Dadgeha Ewlehiyê ya Dewletê (DGM) bi îdiaya "xirakirina yekpareyiya dewletê" cezayê muebedê lê biriye.&nbsp;