Dê ji bo bîranîna keça xwe 40 hezar dar deyne  

2023-08-19 11:59:49


	ÎZMÎR - Hunermend Orhan Aydin ê di erdhejê de keça wî jiyana xwe ji dest da anî ziman ku ew ê ji bo bîranîna keça xwe 40 hezar dar deyne. 

	 

	Hunermend Orhan Aydin di Yekemîn Rojên Pirtûkan a Çeşmeyê ya Şaredariya Çeşmeyê li dar dixist de derket ser dike û daxuyand ku ew ê ji bo keça xwe Eylem Şafak Aydin a di erdheja 6’ê Sibatê de jiyana xwe ji dest dabû, dê daristaneke ji 40 hezar daran pêk tê ava bike. 

	 

	HER DAREK BI NAVEK

	 

	Aydin destnîşan kir ku bi daneyên fermî 50 hezar mirov jiyana xwe ji dest dan lê belê ew bi 100 hezar mirovan jiyana xwe ji dest dane nas dike û got: “Hê jî li Hatayê av nîn e, zad nîn e, paqijî nîn e. Tişta divê em bikin tevî her tiştî destê xwe yê alîkariyê dirêjkirin e.” Aydin anî ziman ku hewceye hêviya mirovan were mezinkirin û wiha got: “Li Hataya li ser  navê keça xwe dê ji bo zarok û ciwanan pirtûkxane û navenda hunerê çêdikim. Gelek daristan şewitîn, dixwazim taybetî jî li dora Marmarîsê daristanekê çêbikim. Bila ji bo mirovahiyê bibe hêvî. Dê navê keça xwe bidim daristanê. Ez ê navê her zarokên di erdhejê de jiyana xwe ji dest dane, li darekê bikim."