
Bilbisê 22 roj in di dorpêça leşkeran de ye: Kesek hat binçavkirin  

2023-08-19 15:15:24


	ŞIRNEX - Di roja 22’yemîn a dorpêça leşkeran de li gundê Bilbês a girêdayî navçeya Elkê ya Şirnexê welatiyê bi navê Levent Cîn hate binçavkirin.&nbsp;

	&nbsp;

	Dorpêçkirina leşkeran a li gundê Bilbêsa navçeya Elkê ya Şirnexê di roja 22’yemîn de berdewam dike. Leşkerên têketin û derketine ji gund xistine bin kontrola xwe, ser gundiyên tên û diçin kontrol dike û li nasnameya wan dipirsin.&nbsp;

	&nbsp;

	Li gel operasyon û dorpêça gund zextên li ser welatiyan jî zêde bûne û welatiyê bi navê Îzzettîn Cîn di 4’ê tebaxê de bi îdiaya “Piştgiriya rêxistinê kirinê” hate girtin û Cîn şandin girtîgehê. Levent Cîn jî di çarçoveya heman lêpirsînê de hate binçavkirin. Cendirmeyan Cîn ê ji bo serdana xizmên xwe çûbû navçeya Silopiyayê bi hinceta &nbsp;“îmzeya te heye” gazî wî kirin ku biçe qereqolê û hate binçavkirin. Hat destnîşankirn ku Cîn birine Fermandariya Leşkeriyê ya Şirnexê.&nbsp;

	&nbsp;

	LI BILBÊSÊ ÇI BÛBÛ?

	&nbsp;

	Walîtiya Şirnexê di navbera 29’ê tîrmehê û 4’ê tebaxê de ketina sivîlan a çolterên gundê Bilbês ê Şirnexê qedexe kiribû. Tevî ku biryara qedexeyê rabû, dorpêça gund berdewam kir. Walîtî di navbera 8 û 23’yê tebaxê de careke din herêmê qedexe kir.&nbsp;

	&nbsp;

	Li gel biryara qedexeyê herêm pêşî bi balefirên şer piştre jî bi helîkopterên bi tîpa SKY bi rojan hatin bombekirin. Hat destnîşankirin ku şerê di navbera HPG’Î û leşkere derketine operasyonê de derketiye 2 HPG’î jiyana xwe ji dest dane.&nbsp;

	&nbsp;

	Herî dawî di 13’ê tebaxê de şandeya ji Parlamenterên Partiya Çepên Kesk &nbsp;Newroz Ûysal û Mehmet Zekî Îrmez, Partiya Herêmên Demokratîk (DBP), Hevserokên Partiya Demokratîk a Gelan (HDP) &nbsp;pêk hatibû, serdana gund kiribûn.

	&nbsp;