
Gundê Qerhêta 9 roj in bêceyran e  

2023-08-19 15:50:03


	&nbsp;

	&nbsp;

	AMED - Gundê Qerhêta 9 roj in bê ceryan e. Qeyûm tayînî şûna keyayê gund hat kirin.&nbsp;

	&nbsp;

	Li gundê Qerhêta yê Çinar a Amedê derdora 140 mal hene û Şîrketa Anonîm a Belavkirina Ceyranê ya Dîcleyê (DEDAŞ) di 11’ê tebaxê de bi hinceta “deynên sondajê” ceyrana gundiyan birî. Nêzî 20 malbatên gund ji ber sedemên aborî nekarîn deynê xwe bidin û ji ber vê yekê ceyrana tevahiya gund hate birîn û gundî bêav hatine hiştin. Şêniyên gund debara xwe bi sewalkariyê dikin û sewalên wan jî ji bêaviyê dimirin. Keyayê gund gund Necat Ertem ê nikaribû pirsgirêka ceyran û avê çareser bike, di 15’ê tebaxê de îstîfa kiribû. 9 roj in ceyrana gund nehatiye berdan û hat zanîn ku di 16’ê tebaxê de cîgirê Qeymeqamê Çinarê wek qeyûm tayînî şûna keya hatiye kirin.&nbsp;

	&nbsp;

	Şêniyên gund diyar kirin ku qeymeqamiyê di hinceta tayînkirina qeyûm de gotiye, “Gundî gazî HDP’ê dikin û dewletê reş dikin” û hatiye gotin heta ku gundî deynê ceyranê nedin dê ceyran neyê berdan.&nbsp;

	&nbsp;

	MELE TERKA GUND KIRIYE

	&nbsp;

	Şêniyên gund dan zanîn ku meleye gund ji ber qutkirina av û ceyranê gund terikandiye û xelkê gund nikare îbadetên xwe olî bikin.&nbsp;

	&nbsp;