
Rojnameya Xwebûnê bi manşeta 'Ji zikreşiyê îxanet dibare' derket 

2023-08-21 09:01:41


	&nbsp;

	AMED - Hejmara 192’emîn a rojnameya Xwebûnê bi manşeta “Ji zikreşiyê îxanet dibare” derket.&nbsp;

	&nbsp;

	Rojnameya Xwebûnê di manşeta xwe de cih daye êrişên artêşa tirk ên li başûrê Kurdistanê û hevkariya PDK’ê ya di van êrişan de. Der barê mijarê de bi rojnameger Azîz Koyluoglû re hevpeyvîn hatiye kirin.&nbsp;

	Di surmanşetê de jî rojnameyê cih daye nûçeya ku der barê tecrîda li ser Rêberê PKK’ê Abdullah Ocalan bi Parlamentera Partiya Çepên Kesk a Dêrsimê Ayten Kordû re hatiye çêkirin.

	&nbsp;

	Di rûpelê 3’yan de jî bi Hevserokên nû yên MEBYA-DER’a Amedê re nûçeyek hatiye çêkirin. Her du hevserok xebatên xwe vedibêjin û agahî didin ku wê di demên pêş de konferansek li dar bixin.&nbsp;

	Dîsa di heman rûpelê de der barê sercerdevanê ku sala borî li navçeya Midyadê ya Mêrdînê şivanê bi navê Mûsa Çelîk kuştibû û beriya demekê hatibû berdan de jî nûçeyek hatiye çêkirin û bi parêzer û malbata Çelîk re hatiye axaftin. &nbsp;

	&nbsp;

	Di rûpela kirmanckî ya rojnameyê de ji Osmaniyan heta niha dîroka weqf û komeleyên olî yên di bin kontrola dewletê de hatiye nirxandin û çanda destdirêjiyê ku di wan de hatiye pêşxistin hatiye vegotin.&nbsp;

	&nbsp;

	Her wiha Peymana Lozanê û pêngava 15’ê Tebaxê jî mijara rojnameyê ne.

	&nbsp;

	&nbsp;