
Li Dîlokê 2 ciwan hatin binçavkirin

2023-08-23 11:34:02


	&nbsp;

	DÎLOK - Di encama serdegirtinên malan ên li Dîlokê de 2 ciwan hatin binçavkirin.&nbsp;

	&nbsp;

	Duh di danê êvarê de polîsan li Dîlokê bi ser malên endamên Partiya Sosyalîst a Bindestan (ESP) de girtin. Di encama serdegirtinên malan de Mîhrîban Aslan ku di heman demê de namzeta parlamenteriyê ya Partiya Çepên Kesk a Dîlokê bû û Hatîce Ozaslan hatin binçavkirin. Sedema binçavkirina wan nehat zanîn û ji bo dosyaya wan biryara nepeniyê hate dayîn. Hat zanîn ku binçavkirî li Şaxa TEM’a Dîlokê tên ragirtin.&nbsp;

	&nbsp;

	Parêzerê Mîhrîban Aslan şêvê din li TEM’ê bi miwekîla xwe re hevdîtin kir. Aslan, di hevdîtinê de diyar kir ku bi hinceta nivîsa “Ji bo Pirsûsê Edalet” hatine binçavkirin û li TEM’ê lêgerîna tazî lê hatiye ferzkirin. Her wiha hat diyarkirin ku di dema serdegirtinên malan de polîsan dest danîn ser rojnameya Atilimê û kincên Mîhrîban Aslan ên di dema nivîsê de li xwe kiribûn.

	&nbsp;