
Emîne Şenyaşar: Çima hûn hê jî Halîl Yildiz diparêzin?  

2023-08-25 15:53:33


	&nbsp;

	ENQERE - Emîne Şenyaşar a Nobeda Edaletê didomîne bertek nîşanî astengiya çalakiyê da û got: “Çima hûn Îbrahîm Halîl Yildiz diparêzin?”

	&nbsp;

	Nobeda Edaletê ya Emîne Şenyaşar û lawê xwe Parlamenterê Partiya Çepên Kesk ê Rihayê Ferît Şenyaşar (Malbata Şenyaşar) di roja 846’emîn de Nobeda Edaletê ya li Rihayê dabû destpêkirin birin Enqereyê û nobeda li Enqereyê di roja 32’yemîn de çalakiya xwe domand.&nbsp;

	&nbsp;

	Malbat îro jî bi daxwaza edaletê ji ber deriyê Meclisê heta Wezareta Dadê meşiya. Dîsa destûr nehat dayîn ku malbat biçe Wezaretê û bi Wezîrê Dadê re hevdîtin bike. Bi hinceta ku “Wezîr li derveyî bajêr e” destûr nehat dayîn ku malbat bikeve avahiya wezaretê. Polîsan îro jî destûr neda ku rojnamevan wêne û dîmenan bigirin.&nbsp;

	&nbsp;

	‘WÊ ÇI KEZEBA MIN HÊNIK BIKE?’

	&nbsp;

	Emîne Şenyaşar a ku çûna wê ya wezaretê tê astengkirin, ji bo malbata xwe daxwaza edaletê dike. Emîne Şenyaşar destnîşan kir ku parlamenterê AKP’ê yê berê Îbrahîm Halîl Yildiz ê qetlîamê pêk anî tê parastin û got: “Malbata min tune kirin. Wê çi kezeba min hênik bike? Wan gule berê kezeba min da, qetil kirin.” &nbsp;

	&nbsp;

	NAHÊLIN KU KES PIŞTIGIRIYÊ BIDE MALBATÊ&nbsp;

	&nbsp;

	Li ser berteka Emîne Şenyaşar, welatiyek xwest biçe cem wê. Polîsan ew welatî asteng kir û ji wir dûr kirin. Emîne Şenyaşar ji polîsan re got, “Çima hûn kujerên malbata min nagirin? Çima hûn Îbrahîm Halîl Yildiz diparêzin? Çima hûn li ser serê me kom dibin û derdora me digirin.”

	&nbsp;

	Malbat paşê dîsa vegeriya Meclisê.&nbsp;