
HDP û Partiya Çepên Kesk civînên amadehiya konferansê pêk anîn

2023-08-26 16:08:03


	&nbsp;

	STENBOL – HDP û Partiya Çepên Kesk pêşiya konferansa dê pêk bînin li Stenbolê civînên amadehiyê li dar xistin.

	&nbsp;

	Partiya Demokratîk a Gelan (HDP) û Partiya Çepên Kesk beriya kongreya ku ji navê partiyê heya naveroka tuzukê dê were guherandin, li gelek herêman xebatên xwe didin meşandin. Partiyên amadehiyên konferansê dikin li navçeyên Şîşlî, Bagcilar û Sancaktepeya Stenbolê civîn li dar xistin.

	&nbsp;

	Di civînên navçeyan hatine kirin de herî zêde navê partiyê, şêweya rêxistinbûnê, bi herêmê re têkilî û Tirkiyeyîbûn hate nîqaşkirin. Civîn ji çapemeniyê re girtî hate meşandin. &nbsp;

	&nbsp;

	Li gel Alîkarê Hevserokê Giştî Tayyîp Temel, Hevseroka HDP’ê ya Stenbolê Îlknûr Bîrol û nûnera Meclîsa Ciwanan Dîdem Acabay tev li civîna li Şîşliyê, Hevserokê HDP’a Stenbolê Mûrat Kamaz û parlamenterên berê Mûrat Çepnî û Bûrcû Çelîk tev li civîna Bagcilarê, Parlamenterê Partiya Çepên Kesk ê Mûşê Sezaî Temellî jî tev li civîna Sancaktepe ên navçeyên Stenbolê bûn. Civîn bi rêzgirtinê dest pê kirin û rexne pêşniyar û nêrînên gel ên ku piştî hilbijartinê hatibûn girtin hatin nîqaşkirin.

	&nbsp;

	&nbsp;