
Li mala ku bi çekên giran hat guleberankirin 2 kesan jiyana xwe ji dest da  

2023-09-01 08:16:32


	&nbsp;

	WAN - Li gundê Çamîlî yê Qelqeliyê, leşkeran bi saetan malekê gulebaran kir. Hat diyarkirin ku 2 kesan jiyana xwe ji dest daye.&nbsp;

	&nbsp;

	Duh danê êvarî leşkeran avêt ser gundê Çamîlî yê navçeya Qelqelî ya Wanê. Leşkeran xaniyê ku 2 kes tê de bûn, gulebaran kirin. Li gor agahiyên bi dest ketin, leşkeran gund dorpêç kiriye û operasyon saet di duyê piştî nîvro de dest pê kiriye û heya çar û nîvê esir dewam kiriye.&nbsp;

	&nbsp;

	2 KESAN JIYANA XWE JI DEST DA

	&nbsp;

	Hat hînkirin ku li xaniyê ku hinekî dûrî nava gund bûye 2 kesan jiyana xwe ji dest daye. Cenazeyên kesên ku ji ber gulebarana bi çekên giran jiyana xwe ji dest dan, ji bin kavilan hatin derxistin. Nehat hînkirin ku her 2 kes kî ne û cenazeyên wan birine ku derê.&nbsp;

	&nbsp;

	2 KES HATIN BINÇAVKIRIN

	&nbsp;

	Gund heya derengê şevê jî dorpêçkirî bû û ketin û derketina gund qedexe bû. Hat destnîşankirin ku leşkeran avêtiye ser maleke li derdorê jî û Omer Kiliççeken û kurê wî Samî Kiliççeken binçav kirine. Hat diyarkirin ku her du kesên binçavkirî birine Qereqola Cendirmeyan a Qelqeliyê.&nbsp;

	&nbsp;

	Parlementerên Partiya Çepên Kesk Gulcan Kaçmaz Sayyîgît, Sînan Çîftyurek, MAhmût Dîndar û ZUlkuf Ûçar, Partiya Demokratîk a Gelan (HDP), BAroya Wanê, KOmeleya Hiqûqnasên Ji Bo Azadiyê (OHD) a Şaxa Wanê û Komeleya Mafên Mirovan (ÎHD) a Şaxa Wanê bi şev be rbi gund ve bi rê ketin. Lê belê leşkeran bi hinceta operasyonê nehişt şande têkeve gund. &nbsp;