
Cezayekî mîna xelatê dan polîsê Cîhan Can kuştî: 21 hezar û 200 TL 

2023-09-04 11:55:56


	&nbsp;

	AMED - Li polîsê bi navê Hakan Avci ku li Amedê bi wesayîta zirxî li endezyar Cîhan Can xistibû û qetil kiribû, 21 hezar û 200 TL cezayê pereyan hate birîn.&nbsp;

	&nbsp;

	Di sala 2019’an de polîsê bi navê Hakan Avci bi otobûsa bizirx li endezyar Cîhan Can xist û qetil kir. Têkildarî mijarê bi sedema “Ji ber qisûra xwe bûye sedema mirinê” doz hate vekirin. Danişîna dozê li 11’emîn Dadgeha Cezayên Giştî ya Amedê hate lidarxistin. Kekên Can û parêzerê wî Fûat Coşacak di danişînê de amade bûn. Bersûc Hakan Avci tev li danişînê nebû.&nbsp;

	&nbsp;

	Di rûniştina berê de dozgerê komarê diyar kiribû ku li gorî rapora Saziya Tipa Edlî (ATK) polîsê bersûc Avci ji sedî 100 biqisûr e û xwestibû Avic bi sûcê jê tê sûcdarkirin bê cezakirin. Dozgerî di vê danişînê de jî heman mutalaa dubare kir.&nbsp;

	&nbsp;

	VEGUHERAND CEZAYÊ PEREYAN

	&nbsp;

	Têkildarî darizandinê îfadeyên herî dawî yên kekên Can û parêzerê wî hate guhdarîkirin. Kekên Can û parêzer Coşacak diyar kirin ku sûcê bersûc kiriye neguhere û xwestin bi cezayê hefsê were cezakirin. Parêzerê bersûc jî xwest ku miwekîlê wî were berdan.&nbsp;

	&nbsp;

	Piştî parastinan, dadgehê biryar xwe da. Dadgehê bi sedema “Ji ber qisûra xwe bûye sedema mirina Cîhan Can” 3 sal cezayê hefsê da. Lê belê cezayê bersûc Avci ji 6 paran yekî daxist û ev cezaye veguherand cezayê pereyan. Dadgehê biryar da ku Avci 21 hezar û 200 TL’an bide.&nbsp;

	&nbsp;