
Partiyên Rojhilat greva giştî ragihandin 

2023-09-06 10:40:33


	&nbsp;

	NAVENDA NÛÇEYAN - Partî û aliyên siyasî yên rojhilatê Kurdistanê bi boneya salvegera serhildana “Jin, jiyan, azadî” dest bi grevê dikin û banga tevlibûnê grevê kirin.&nbsp;

	&nbsp;

	Partî û aliyên siyasî yên rojhilatê Kurdistanê bi boneya yekemîn salvegera destpêkirina serhildana 'Jin, Jiyan, Azadî' daxuyaniyeke hevpar weşandin. Di daxuyaniyê de hate ragihandin jin a kurd a ciwan a ji bajarê Seqizê Jîna li Tehranê di encama êrişa hêzên dewletê de jiyana xwe ji dest da û bû sembola serhildana girseyî ya bi dirûşma “Jin, jiyan, azadî' ku li Kurdistanê dest pê kir û li hemû bajar û navçeyên Îranê û derveyî welat belav bû.

	&nbsp;

	Bi domdarî hat gotin ku ev serhildan a ku weke “Şoreşa Jîna” jî tê pênasekirin, bû serhildan û nerazîbûna herî girseyî û dirêj ku desthilatdariya Komara Îslamî xiste ber lêpirsînê û ev tişt hatin parvekirin: “Sala bihurî û di proseya wê şoreşê de tevgera azadîxwaz a xelkê Îranê bi giştî û xelkê Kurdistanê bi taybetî li dijî rejîma desthilatdar di Îranê de ezmûna pêvajoyeke nû û girseyî kir û gaveke berdewam pêşde çû ku êdî paşde jî nazivire. Rola berçav a jinan di pêşengtiya wê şoreşê de, bû sedem ku civaka me di milê civakî de pêngavek din ber bi pêş ve biçe û asoya serketinê ronîtir bibe. Ciwanan di jortirîn asta fedakariyê de ji bo jiyaneke azad û dilxwaz fedakariyeke bêhempa kirin.”

	&nbsp;

	GREV DI 16’Ê ÎLONÊ DE DEST PÊ DIKE

	&nbsp;

	Di berdewamê de hat diyarkirin ku di salvegera destpêkirina “Şoreşa Jînayê” de, di cih de ye ku ji bo rêzgirtina şehîdên wê şoreşa nû û rêzgirtin ji cangoriyan û zindaniyên siyasî û her wiha zindîhiştina wê tevgera siyasî, bi awayekî xurt ber bi pêşwaziya wê boneya mezin a siyasî û civakî ve biçin. Daxuyanî wiha dom kir: “Ji bo wê yekê piştî çend hevdîtin û ravêjên siyasî, roja çarşemê 15-06-1402 (06-09-2023) partiyên siyasî yên rojhilatê Kurdistanê yên wek; Hizba Demokrat a Kurdistana Îranê (HDKÎ), &nbsp;Komele (Rêxistina Kurdistanî ya Hizba Komunîsta Îranê), Patiya Jiyana Azad a Kurdistanê (PJAK), Rêxistina Xebata Kurdistana Îranê (Sazimanî Xebat), &nbsp;Partiya Azadiya Kurdistanê (PAK), Komeleya Zehmetkêşên Kurdistanê.”&nbsp;

	&nbsp;

	XALÊN LI SER HATIYE LIHEVKIRIN

	&nbsp;

	Di daxuyaniyê de xalên van partî û saziyan li ser lihev kirin jî wiha hatin rêzkirin:&nbsp;

	&nbsp;

	“* Piştevanîkirin ji daxwazên têkoşerên civaka sivîl û rêxistinên serbixwe ji bo rêzgirtin û beşdariya çalak a salroja Şoreşa Jin, Jiyan, Azadî.&nbsp;

	&nbsp;

	* Ragihandina roja 25-06-1402 (16-09-2023) weke roja greva giştî li hemû Kurdistanê. Di wê rojê de hemû dikan û bazar û navendên kar û îdarî bêne girtin. Serê sibeha wê rojê girseya xelkê Kurdistanê di bajar û navçe û gundên Kurdistanê de serdana aramgeha Jînaya ciwan û hemû şehîd û cangoriyên şoreşa ‘Jin, Jiyan, Azadî’yê bikin û destegulên rêz û xweşewîtiyê ser aramgehên wan danên û merasîma rêzgirtinê birêve bibin.&nbsp;

	&nbsp;

	* Daxwaz ji hemû xelkê azadîxwaz yên Îranê (jin, ciwan, karker, mamosta, xanenişîn, jîngehparêz û neteweyên bindest) li sertaserê Îranê dikin ku piştevaniya greva xelkê Kurdistanê bikin û bi greveke giştî nîşanî hemûyan bidin ku şoreşa 'Jin, Jiyan, Azadî' heya gihiştin bi armancên xwe wê berdewam be. &nbsp;

	&nbsp;

	* Daxwaz ji hemû têkoşerên çalak, hêz û aliyên pêşketinxwaz ên derveyî welat dikin ku bi hemû awayekî piştevaniya xwe ji bo greva giştî ya salroja şoreşê bikin û di wê rojê de xwepêşandan û meşên girseyî birêve bibin û bala hemû civakên mirovhez ên cîhanê bikêşnin ser piştevanî şoreşa jînayê.

	&nbsp;

	* Her yek ji partî û aliyên siyasî yên Kurdistanê ku beşdariya wê rûniştinê bûne, piştevanî û beşdariya xwe ji bo greva roja 25-06-1402 (16-09-2023) û merasîmên ser aramgehên şehîd û cangoriyan radigihînin.”

	&nbsp;