
Cenazeyên Akdenîz û Koç hatin definkirin  

2023-09-08 16:45:27


	WAN - Cenazeyên endamên HPG’ê Ferhat Akdenîz û Muhterem Koç ku di pevçûna 26’ê tebaxê ya li çoltarê Farqînê de jiyana xwe ji dest dabûn, li bajarên wan hatin definkirin.&nbsp;

	&nbsp;

	Di 26’ê tebaxê de li Bameydan a girêdayî çoltarê gundê Hêlînê yê Farqîn a Amedê di navbera endamên HPG’ê û leşkerên dewleta tirk de pevçûn derket. Cenazeyên endamên HPG’ê Ferhat Akdenîz (Dilgeş Zîlan Guzereş) û Muhterem Koç (Mervan Wan) ku di pevçûnê de jiyana xwe ji dest dabûn, hatin definkirin. Malbatên ku ji bo teşhîskirina cenazeyan hatin Saziya Tipa Edlî (ATK) ya Amedê û mînakên xwînê dan, cenazeyên zarokên xwe wergirtin û birin bajarên wan.&nbsp;

	&nbsp;

	Cenazeyê Akdenîz li goristana navenda Gever a Colemêrgê û cenazeyê Koç jî li goristana Taxa Karşiyaka ya navçeya Rêya Armûşê ya Wanê hate definkirin.&nbsp;

	&nbsp;

	CENAZE DUH HATIN DEFINKIRIN&nbsp;

	&nbsp;

	Dewleta tirk destûr neda ku di dema definkirinê de wecîbeyên olî pêk bînin û nehiştin ji bilî endamên malbatê tu kes tev li merasîma definkirinê bibe. Cenazeyên Akdenîz û Koç duh bi şev di bin dorpêça polîsan de hatin definkirin.&nbsp;

	&nbsp;

	Cenazeyê endamê HPG’ê Rahîm Saygi ku di heman pevçûnê de jiyana xwe ji dest dabû jî di 5’ê îlonê de li Farqînê hatibû definkirin.

	&nbsp;