
Hevserokê DBP’a Amedê Altûn beraet kir 

2023-09-12 12:49:31


	AMED - Hevserokê DBP’a Amedê Hayrettîn Altûn di doza ku bi daxwaza cezayê hefsê yê heta 15 salan dihate darizandin de beraet kir.&nbsp;

	&nbsp;

	Danişîna biryarê ya doza Hevserokê Partiya Herêmên Demokratîk (DBP) ê Amedê Hayrettîn Altûn ê di çarçoveya lêpirsîna ji aliyê Serdozgeriya Komarê ya Amedê de 23’ê kanûna 2022’yan li dijî hatibû destpêkirin hate binçavkirin û di 26’ê kanûna 2022’yan de hate girtin û 2’yê sibatê hate berdan li 4’emîn Dadgeha Cezayê Giran a Amedê hate li darxistin. Altûn ê bi daxwaza cezayê hefsê yê heta 15 salan tê darizandin tev li danişînê nebû. Parêzerên wî Bûrhan Arta, Yakûp Demîr û Okan Altekîn di danişînê de amade bûn. Dozger di danişînê de mutalaaya xwe ya bi daxwaza cezakirinê di danişîna beriya niha de pêşkeş kiribû, dubare kir.&nbsp;

	&nbsp;

	‘DOZGER SÎNORÊ XWE YÊ RAYE Û PEYWÎRÊ DERBAS KIRIYE’&nbsp;

	&nbsp;

	Parêzerên Altûn, Altekîn, Arta û Demîr ên di danişînê de parastin kirin diyar kirin ku xebatên muwekîlên wan di çarçoveya xebatên partiya siyasî de ne û dozger sînorê xwe yê raye û peywîrê derbas kiriye û daxwaza beraeta muwekîlên xwe kirin.&nbsp;

	&nbsp;

	BIRYARA BERAETÊ&nbsp;

	&nbsp;

	Dadgeh gihişt wê qenaetê ku têkildarî sûcê Altûn pê tê tewanbarkirin tu delîl nînin û biryara beraetê da.&nbsp;

	&nbsp;

	&nbsp;

	&nbsp;