Nesrîn Akgul hate girtin 

2023-09-13 16:42:20


	 

	 

	KOCAELÎ - Nesrîn Akgul a sala par hatibû berdan, piştî ku cezayê wê yê ji dozeke din hat pejirand, dîsa hat girtin

	 

	Nesrîn Akgul ku di sibata 2022’yan de ji Girtîgeha Tîpa F a Hejmara 1’an a Kandirayê hat berdan, vê sibehê li Kocaeliyê bi hinceta erêkirina cezayê ku ji dosyayeke din dane wê hat girtin. Piştî ku biryar ji hêla dadgehê ve hate xwendin, Akgul şandin Girtîgeha Jinan a Gebzeyê. 

	 

	NESRÎN AKGUL KÎ YE?  

	 

	Nesrîn Akgul di sala 2008’an de li Wanê hate binçavkirin û girtin. Akgula ji doza jê dihate darizandin 18 sal cezayê hefsê lê hate birîn bi rêzê re Girtîgehên Amed, Şakran û Bakirkoyê hate ragirtin. Akgul a herî dawî sewqî Girtîgeha Tîpa F a Hejmara 1’an a Kandirayê hate kirin di 8’ê mijdara 2018’an de bi daxwaza rakirina tecrîda li Îmraliyê di Girtîgeha Tîpa L a Jinan a Bakirkoyê de tevli çalakiya greva birçîbûnê ya bêdem û bêdorveger bû û di 30’ê nîsanê de çalakiya xwe veguherand rojiya mirinê. Piştî ku Rêberê PKK’ê Abdullah Ocalan bi parêzerên xwe re hevdîtin kir çalakî di 26’ê gulanê de hatin bidawîkirin.