
PDK'ê wesayîtên zirxî şand Sîdekanê 

2023-09-14 09:51:55


	&nbsp;

	NAVENDA NÛÇEYAN - PDK'ê nêzî 200 wesayîtên zirxî şand ser navçeya Sîdekanê.

	&nbsp;

	Duh bi şev 200 wesayîtên zirxî ku têde hemû cûre alavên leşkerî yên giran hene ji Deşta Heyatê û beşek jî ji Deşta Herîrê ber bi navçeya Sîdekan ya Biradostê ve hatin şandin. Beşek ji van çekan gihiştiye Sîdekan.

	&nbsp;

	Li gorî agahiyên nûçeya Ajansa Nûçeyan a Firatê (ANF) duh bi şev PDK ku di ji bo piştgiriya dagirkeriya Tirkiyeyê bike nêzî 200 wesayîtên ku têde gelek cûreyên çekên giran weke doçka, top û hwd, herwiha tank û panzer ji du cihan ber bi navçeya Sîdekan ya herêma Biradostê veguhestiye.

	&nbsp;

	Li gorî agahiyên nûçeyê beşek ji wan wesayîtan ji Deşta Heyatê ya girêdayî herêma Biradost hatiye şandin. Beşa din jî ji herêma leşkerî ya Deşta Herîrê ya nêzî Hewlêrê hatine şandin.

	&nbsp;

	Li gorî hin çavkaniyên herêmê, tê payîn ku ew veguhezîna hêzê ya ji aliyê PDK’ê bi armanca êrişa ser herêma Goşînê, Gewriya Sînga û Gewriya Berbizinê hatiye pêkanîn.

	&nbsp;

	&nbsp;