
Serokê Enstîtûya Kurd a Almanyayê Ozmen wefat kir 

2023-09-17 14:00:04


	&nbsp;

	NAVENDA NÛÇEYAN - Serokê Enstîtûya Kurd a Almanyayê Fevzî Ozmen ku nexweşê penceşêrê bû, wefat kir.&nbsp;

	&nbsp;

	Serokê Enstîtûya Kurd a Almanyayê Fevzî Ozmen ku bi nexweşiya penceşêrê ketibû û dihat tedawîkirin, îro di danê sibehê de li nexweşxaneya AKH’ê ya lê dihat tedawîkirin wefat kir. Şîna Ozmen dê li mizgefta li bajarê Hagenê bê danîn.&nbsp;

	&nbsp;

	OZMEN KÎ YE?&nbsp;

	&nbsp;

	Fevzî Ozmen, di sala 1943’yan de li gundê Şorax ê navçeya Çad a Erziromê ji dayik bû. Dibistana seretayî, navîn û amadehî li Erziromê xwend û ji Fakûlteya Îktîsatê ya Stenbolê mezûn bû.&nbsp;

	&nbsp;

	Ozmen, salên dûvdirêj li Tirkiye û Kurdistanê di nava derdorên siyasî yên kurd de bi awayekî çalak cih girt. Piştre jî neçar ma ku sirgûnî Almanyayê bibe. Ozmen ku Serokê Enstîtûya Kurd a Almanyayê bû, weke endamê Kongreya Neteweyî ya Kurdistanê (KNK) di nava xebatên siyasî de jî cih girt.&nbsp;

	&nbsp;

	Di heman demê de Ozmen Serokê Rûmetê yê Yekitiya Mamostayên Kurdistanê (YMK) û endamê PENa Kurd bû. Ozmen, li ser kurdî lêkolîn dikir. Hem waneyên ziman da hem jî pirtûkên gramera kurdî nivîsand. Romaneke ozmen a bi navê “Siya Şikestî" jî heye.&nbsp;

	&nbsp;