
Dema binçavkirina 4 kesên gazî îfadeyê hatibûn kirin hate dirêjkirin 

2023-09-22 16:22:04


	&nbsp;

	AMED - Leşkeran duh li gundê Zorava yê navçeya Sûrê bi ser gelek malan de girtibûn. Dema binçavkirina 4 kesên piştî serdegirtinê ji bo îfadeyê çûn qereqola cendermeyan û hatin binçavkirin heta roja duşemê hate dirêjkirin.&nbsp;

	&nbsp;

	Leşkeran li gundê Zorava yê girêdayî navçeya Sûrê ya Amedê, duh serê sibehê avêtin ser gelek malan. Leşkeran bi wesayîtên zirxî dor li gund girtin û bi hinceta qedexeya derketina derve nehiştin kes ji malên xwe derkeve û ketin û derketina gund jî qedexe kirin. Di serdegirtinê de welatiyên ku berê çekê dan wan weke mertalan hatin bikaranîn û tiştên li malan hatin belavkirin.&nbsp;

	&nbsp;

	Piştî serdegirtina malan a li gund Tacettîn Kardaş, Cahît Eren, Mursel Bahtiyar û Hayrettîn Kardaş ên Fermandariya Cendermeyan a Navçeya Sûrê ji bo îfadeyê gazî wan kir, duh bi şev hatin binçavkirin.&nbsp;

	&nbsp;

	Dema binçavkirina Tacettîn Kardaş, Cahît Eren, Mursel Bahtiyar û Hayrettîn Kardaş ên bi “Îxbareke bêbingeh” bi ser malên wan de hate girtin û pişt re hatin binçavkirin, heta roja duşemê hate dirêjkirin.&nbsp;

	&nbsp;

	&nbsp;

	&nbsp;

	&nbsp;