
Zaroka di pîrozbahiya hilbijartinê ya AKP’ê de gule lê ketibû jiyana xwe ji dest da  

2023-09-25 08:37:01


	RIHA - Kubra Çoban (14) a di pîrozbahiya piştî hilbijartinên Serokkomariyê de li Rihayê gule bi serî ket, li nexweşxaneya lê dihat dermankirin jiyana xwe ji dest da.&nbsp;

	&nbsp;

	Kubra Çoban (14) a di pîrozbahiya piştî Tayyîp Erdogan ê AKP’î jinûve hate hilbijartin de li Rihayê hatin lidarxistin gule bi serî ket, jiyana xwe ji dest da. Çoban a di pîrozbahiyên şeva 28’ê gulanê de li Taxa Eyyupnebî ya girêdayî navçeya Eyyubiyeyê hatin lidarxistin de birîndar bû, 120 roj bûn li Nexweşxaneya Lêkolîn û Perwerdehiyê ya Rihayê dihate ragirtin. Çoban, di pêvajoya dihate dermankirin de 3 caran emeliyat bû. Çoban duh li nexweşxaneya lê dihate dermankirin jiyana xwe ji dest da. Hate zanîn ku cenazeyê Çoban dê îro were veşartin.&nbsp;

	&nbsp;

	Di heman pîrozbahiyan de li Rihayê gule bi 5 kesan ketibû û Emîrhan Gergîl ê 14 salî di 1’ê hezîranê de li nexweşxaneya lê dihate dermankirin jiyana xwe ji dest dabû.&nbsp;

	&nbsp;

	&nbsp;