
Ji bo azadiya Abdullah Ocalan li Hesekê çalakî hat destpêkirin 

2023-09-26 16:53:25


	&nbsp;

	NAVENDA NÛÇEYAN - Li Hesekê ji bo azadiya fîzîkî ya Rêberê PKK’ê Abdullah Ocalan çalakiya konvedanê hate destpêkirin.&nbsp;

	&nbsp;

	Înîsiyatîfa Gel a Herêma Cizîrê di 9’ê îlonê de ji bo şermezarkirina tecrîda girankirî ya li ser Rêberê PKK’ê Abdullah Ocalan çalakî dabûn destpêkirin. Înîsiyatîfê, îro jî li Qada Suryan a Taxa Nasra ya Hesekê çalakiya konvedanê da destpêkirin.&nbsp;

	&nbsp;

	Şandeya Navenda Perwerdeyê, Desteya Enerjiyê ya Herêma Cizîrê û Desteya Aborî ya Bakur û Rojhilatê Sûriyeyê tev li çalakiyê bûn.

	&nbsp;

	‘ARMANCA KOMPLOYÊ TUNEKIRINA ŞOREŞÊ YE’

	&nbsp;

	Di çalakiyê de endama Meclisa Giştî ya Partiya Yekitiya Demokratîk (PYD) Nalîn Elî axivî û behsa girîngiya çalakiyê kir. Elî, wiha got: “Bi saya fikrên Rêber Abdullah Ocalan û felsefeya wî, me gelek destkeftî li herêmê bi dest xistin. Armanca komploya li dijî Rêber Abdullah Ocalan, tunekirina şoreşê ye. Rêber Abdullah Ocalan girtîgeha Îmraliyê veguherandiye akademiyekê.”

	&nbsp;

	Elî, bang li azadîxwazan kir ku têkoşînê mezin bikin ta ku tecrîd bi dawî dibe. Her wiha bang li civata navneteweyî û rêxistinên têkildar jî kir ku rewşa Abdullah Ocalan eşkere bikin.&nbsp;

	&nbsp;

	‘AZADIYA OCALAN, AZADIYA GELAN E’

	&nbsp;

	Bi navê Navenda Perwerdeyê Mele Elî jî destnîşan kir ku azadiya Rêberê PKK’ê Abdullah Ocalan azadiya gelan û mîsogeriya aştiya li herêmê ye.

	&nbsp;

	Çalakî dê heta sibe êvarê berdewam bike.

	&nbsp;