
Xebatkara Yenî Yaşamê li Dêrsimê hate binçavkirin  

2023-09-29 12:28:47


	&nbsp;

	&nbsp;

	DÊRSIM - Xebatkara rojnameya Yenî Yaşamê Azîme Bozkurt li Dêrsimê hate binçavkirin.&nbsp;

	&nbsp;

	Xebatkara rojnameya Yenî Yaşamê Azîme Bozkurt dema li Taxa Mogoltay a Dêrsimê rojname belav dikir, ji hêla polîsan ve hate binçavkirin. Têkildarî rojnameyê tu biryarên komkirinê nînin lê dîsa jî polîsan dest danîn ser rojnameyên Bokurt.&nbsp;

	&nbsp;

	Polîsan têkildarî binçavkirinê tu sedem nîşan nedan. Hat zanîn ku di dema binçavkirina Bozkurt de Parlamentera Partiya Çepên Kesk a Dêrsimê Ayten Kordu û endamên Komeleya Mafên Mirovan (ÎHD) bertek nîşanî helwesta polîsan dan û hewl dan ku polîs Bozkurt binçav nekin. Kordu, got: “Derheqê rojnameyê de biryara komkirinê nîne. Ji bo şexsê jî tu biryareke binçavkirinê nîne. Hûn bi kîjan sedemê binçav dikin?” Kordu got ku binçavkirineke keyfî ye.&nbsp;

	&nbsp;

	Tevî hemû nerazîbûnan jî Bozkurt ji hêla polîsan ve hate binçavkirin û bi darê zorê li wesayîtê hate siwarkirin. Bozkurt, birin Midûriyeta Emniyetê ya Dêrsimê.&nbsp;

	&nbsp;