
Di doza ‘bikaranîna çekên nukleer’ de wê mutala bê amadekirin 

2023-10-02 14:22:29


	&nbsp;

	&nbsp;

	AMED - Di danişînek din a doza Hevşaredarên Pasûrê Mehmet Fatîh Taş û Fatma Ay jî di nav de ku der barê 8 kesan de bi îdiaya “bikaranîna çekên nukleer” hatibû vekirin, dê mutala bê pêşkêşkirin.&nbsp;

	&nbsp;

	Li gudê Beyrokê yê bi ser navçeya Pasûra Amedê ve di 12’ê Îlona 2019’an de teqîn pêk hatibû û 7 kes hatibûn kuştin. Piştî teqînê li dijî Hevşaredarên Pasûrê Fatma Ay û Mehmet Fatîh Taş lêpirsîn hatibû destpêkirin, ji wezîfeyê hatin girtin û demek girtî mabûn. Her wiha Hevserokê HDP’ê yê Pasûrê Mehmet Abidîn Karaman, Şener Aktaş, Mehmet Emîn Ay, Yucel Çete, Umît Fîdan û Kenan Barût di nav lêpirsîna dozê de cih digirin. Der barê her 8 kesan de bi îdiaya “kuştina bi plankirî” û “kuştina bi karanîna çekên nukleer û kîmyewî” doz hatiye vekirin. Danişîna dozê îro li 9’emîn Dadgeha Cezayê Giran a Amedê hat lidarxistin.&nbsp;

	&nbsp;

	Ji dozê Kenan Barût girtî ye û bi rêya Pergala Deng û Dîmen (SEGBÎS) beşdarî danişînê bû. Barût destnîşan kir ku ew dixwaze li hizûra dadgehê parastina xwe bike.&nbsp;

	&nbsp;

	Parêzeran jî xwest kontrola edlî ya li ser miwekîlên wan bê rakirin û divê dadgeh baş delîlan lêkolîn bike û lêpirsînê berfireh bike.&nbsp;

	&nbsp;

	Dozger got ji ber ku ew nû li dozê dinêre dê mutala amade nekirye û dê danişînek din mutalayê amade bike û pêşkêşî şandeya dadgehê bike.&nbsp;

	&nbsp;

	Dadgehê biryar da ku Barût di danişînek din li dadgehê bê amadekirin. Danişîn taloqî 27’ê kanûnê kir.&nbsp;

	&nbsp;

	&nbsp;